Esyonyimbo 65 - AMASAKO ABOYTRTRE WA NYAMUHANGA AWAKAHULAWA MO BIBLIA

Eripipa nʼeriha ewasĩngya

Busana nʼomwĩmbĩrĩrĩ mukulu. Olwimbo. Olwimbo lwa Dawĩdĩ.

¹ Uwe Nyamuhanga, abandu batolere erikupipa eSĩonĩ! Batolere erikuha ebyo bakulaga,

² Kusangwa ũkasũbĩraya erisaba, Abandu bosĩ basyakũhĩkako,

³ Busana nʼebibi byabo. Erĩhalya lyetu lĩkatũkĩnda, Nĩkwa wasyabuyiralyo.

⁴ Obutseme buli ukwʼabo ukayisoga, Abo ukaleta erĩĩkala aho wawe habũyĩrĩre! Twasyũgũta, busana nʼemyatsi yowene yʼenyũmba yawe, Eritsumula lyʼeHekalũ yawe ĩbũyĩrĩre!

⁵ Uwe Nyamuhanga, Omũlamya wetu, ũkatũsũbĩraya, Ũkatũlamaya eritukolera emyatsi yʼeriswekera. Abandu abakalũa oko syondũlĩ syʼekihugo; Nʼabali oko syongetsi syʼehali, bakayiketera we.

⁶ Uwe ukahanda ebitwa aho wabyo omo maka wawe, Ĩgũkakangaya Obũtokĩ bwawe.

⁷ Ũkabonderaya erihuha lyʼesyongetsi, Nʼerihuha lyʼebisunda byasyo, Ũkabonderaya olukanda lwʼabandu.

⁸ Ekihugo kyosĩ kikubaha, busana nʼemyatsi mikulu wabirikola! Ebyo ukakola bikaleta emirenge yʼobutseme, Erĩtsũka oko syondũlĩ syʼekihugo.

⁹ Ukalembera ekitaka, ukatuma embũla; Ũkabogayakyo kutsibu; Esyonyũsĩ sya Nyamuhanga sisiriuma, Ukabanira ekihugo kyʼengano nʼebyalya.

¹⁰ Ukatuma embũla oko mahya awabiririmwa, Ũkatsapayago omo magetsi; Ũkolobaya ekitaka omo mbũla, Ukaleka emyaka iyalasa.

¹¹ Obubuya bwawe bukaleta erigesa lyowene! Nʼeyo ukalenderera yiri binene!

¹² Amalĩsĩryo oswĩre omo bihangulo, Nʼehitwa hĩkũsũla nʼobutseme!

¹³ Amalĩsĩryo amũsũla mwʼesyombũlĩ, Nʼemisya yoswĩre mwʼengano; Bikasumba omulenge nʼeriimba omo butseme!