Esyonyimbo 64 - AMASAKO ABOYTRTRE WA NYAMUHANGA AWAKAHULAWA MO BIBLIAErisaba busana nʼerĩteyĩbwa Oko mwĩmbĩrĩrĩ mukulu. Olwimbo lwa Dawĩdĩ. 1 Uwe Nyamuhanga, nyiri omo bũlĩge, wowe erisaba lyage! Ngubaha, ũnyĩlamaye oko syonzĩgũ syage! 2 Unyihanganire busana nʼesyombĩta syʼababi, Unyihanganire busana nʼesyondeko syʼabandu babi. 3 Bakatyalaya esyondimi syabo ngʼemĩyalĩ, Bakatega ebĩnywa byabo ngʼemisoha. 4 Omwʼĩrĩmbya bakalasa emisoha yabo oko bandu bowene, Bakalasa lũba-lũba, isibaliubaha. 5 Bakayĩhamĩraya omo mbĩta yabo nyibi; Bakakanaya aho basyahĩra ebitego byabo. Bati, Sihabye oyo wasyasamalirabyo. 6 Bakayira oluhota lubi, bati, Twabiriyira oluhota lũkalĩre. Omutima nʼobũlengekanĩa bwʼabandu nĩʼkũmbo! 7 Nĩkwa Nyamuhanga akalasabo omo misoha yiwe, Basyahutala lũba omo misoha. 8 Asyaheryabo busana nʼebĩnywa byabo; Kandi abosĩ abakalangirabo basyatsĩnga-tsĩngya emitwe yabo. 9 Abosĩ basyubaha; Basyatũla omwatsi wʼebyo Nyamuhanga abirikola. Basyaganĩrya emyatsi yʼemĩbĩrĩ yiwe. 10 Abandu abatunganene basyatsemera ebyo Mwami Mukulu abirikola; Basyamusagirako nʼobuholo nʼabatunganene bosĩ basyamupipa. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo