Esyonyimbo 61 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba busana nʼeriimirwa

Busana nʼomwĩmbĩrĩrĩ mukulu. Oko nanga. Olwimbo lwa Dawĩdĩ.

¹ Uwe Nyamuhanga, wowe erilaka lyage; Hulikirira erisaba lyage;

² Omugulu ngalembera, inyine hali kwʼeka, ngakulakira! Unyitwale ahali obusayiro bwʼobuholo.

³ Kusangwa uli oyukanyihanganira, Uli mũhanganĩrĩ wage wʼamaka busana nʼesyonzĩgũ syage.

⁴ Uleke nyĩkale omo hema yawe ebiro byosĩ; Nyibane ahʼerisagira omo kyũtsũtsũ kyʼebĩpũpa byawe.

⁵ Uwe Nyamuhanga, wabĩrĩowa esyondagane syage, Wabirimba emyatsi eyo yʼabandu abakakũsĩkaya;

⁶ Utomekere emyaka oko ngebe yʼOmwami; Uleke akote!

⁷ Akote embere syawe, uwe Nyamuhanga! Umuhanganire omo lwanzo lwawe olutyusa, nʼeritindalegula lyawe.

⁸ Litya nasyakwimbira eripipa ebiro byosĩ, Omugulu ngakuha obuli kiro ebyo nabirilaga.