Esyonyimbo 60 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisabira erĩlamĩbwa

Busana nʼomwĩmbĩrĩrĩ mukulu. Ngʼerĩanga-ranga lyʼerĩtũlago. Erĩkangĩrĩrya lya Dawĩdĩ ekiro alwa na Baaram-Haramana Aram-Zoba, neryo Yoabũ asubula nʼerĩĩtĩra Abaedomũ 12,000, omo Musya wʼOmũnyũ.

¹ Uwe Nyamuhanga, wabiritugana, nʼerĩtũkĩnda; Wabirituhitanako nĩkwa lino utusubeko!

² Wabĩrĩtĩtĩmanĩa ekihugo; wabiritulangakyo; Nĩkwa lino ũlamaye ahasambukere, kusangwa kikasonda eritera!

³ Walekĩre abandu bawe ibagalwa omo bũlĩge bungi; Wabirituha ebĩnyũ ebĩkatamĩraya.

⁴ Mowasumba ebendera busana nʼabo abakakubaha, Nĩkwa mobabũnũkala, mobasaga enzĩgũ.

⁵ Ũtũlamaye omo maka wawe; ũsũbĩraye erisaba lyetu, Neryo abandu abo wanzĩre balamĩbawe.

⁶ Nyamuhanga abĩrĩbũga omo habũyĩrĩre huwe ati, Nasyagaba eSekemũ, nasyahĩtya omusya wʼeSũkotĩ.

⁷ Gĩleadĩ ni wage, na Manase nibya; Efũraĩmũ nĩ ngofĩa yage, Yũda nĩ mũtso wage wʼobwami.

⁸ Nĩkwa nasyayira Moabũ mo kibindi kyage kyʼerinabiramo; Edomũ nĩ kasandũkũ kage kʼengendero. Nasyasumba omulenge erĩkĩnda Fĩlĩstĩa.

⁹ Nindi wasyanyitwala omo mũyĩ owakangatĩre kwehĩ? Nindi wasyanyĩkolya omo Edomũ kwehĩ?

¹⁰ Uwe Nyamuhanga wabiritugana kwe­nene kwehĩ? Uwe Nyamuhanga siwendisyahongoka haguma nʼemilondo yetu kwehĩ?

¹¹ Ũtũwatĩkaye erilwa nʼesyonzĩgũ syetu, Kusangwa erĩwatĩkya lyʼabandu ni buyira!

¹² Haguma na Nyamuhanga twasyakĩnda; Iye asyasĩnga esyonzĩgũ syetu.