Esyonyimbo 58 - AMASAKO ABOYTRTRE WA NYAMUHANGA AWAKAHULAWA MO BIBLIA

Oko mwĩmbĩrĩrĩ mukulu. Olwimbo lwa Dawĩdĩ lwʼerĩkangĩrĩrya.

¹ Ĩnywe mbangĩ, mwanganatũa olubanza omwʼĩbanza kwehĩ? Mwasyatswera abandu bosĩ bo ndekendeke kwehĩ?

² Iyihi, mũkaganĩraya ebibi bisa ebyo mwasyakola, Kandi mukakola ebitsibu byʼomwaga omo kihugo.

³ Abandu babi bakakola nabi okwʼibutwa lyabo; Bakabiha erĩtsũka ekiro babutawa.

⁴ Boswĩre mwʼobuti ngʼesyonzoka; Bakahoma amatwĩ wabo, ngʼefira eyĩtĩowa.

⁵ Eyĩtĩowa omulenge wʼomusaki wʼenzoka, Kutse Olwimbo lwʼomũkũmũ wʼamenge.

⁶ Uwe Nyamuhanga, ũtũndũle ameno wabo omo buno bwabo; Uwe Mwami Mukulu, ukule ameno wʼesyondale esĩkalĩre esĩ!

⁷ Babulireyo ngʼamagetsi awakasenda; Bahĩnokale ngʼebiti omo nzira.

⁸ Babye ngʼebikome ebikanyenyeta nʼerihwerekerera; Babye ngʼomwana oyũkasĩgala omwʼĩbuga iniatalola oko mwisi!

⁹ Bakakenzawa ngʼekisaka bate baminyakyo; Omwʼihitana liwe lĩkalĩre, Nyamuhanga asyabĩryabo omwʼihunga ibakineho.

¹⁰ Abatunganene basyatsema omugulu basyalangira erĩkĩsya bandu babi, Basyanabya ebisando byabo omo musasi wʼabakola-nabi.

¹¹ Abandu basyabũga bati, Abatunganene bakahembawa; Kwenene hali Nyamuhanga oyukatswera ekihugo!