Esyonyimbo 57 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba busana nʼerĩwatĩkĩbwa

Oko mwĩmbĩrĩrĩ mukulu. Olwimbo lwa Dawĩdĩ lwʼerĩkangĩrĩrya. Oko mugulu asaga Saũlo omo mwangalũ.

¹ Unyiganyire, uwe Nyamuhanga, unyiganyire, Kusangwa ngakusagirako. Omo kyũtsũtsũ kyʼebĩpũpa byawe ngabana erĩteyĩbwa, Erĩhĩka aho, obwĩko bwabirilaba.

² Ngalakira Nyamuhanga Owendata Kutsibu; Ngalakira Nyamuhanga oyukamba ebyosĩ ebyo nyiri nabyo bwaga.

³ Asyanyĩsũbĩrya erĩlũa elubula nʼerĩnyĩlamya; Asyakĩnda abakanyibambira. Nyamuhanga asyanyĩkangya olwanzo luwe olutyusa nʼeritindalegula liwe.

⁴ Indi omo katĩkatĩ kʼesyondale; Ngagotsera omo katĩkatĩ kʼabandu abakasonda eribuga bandu. Ameno wabo ali ngʼamatũmo nʼemisoha. Nʼesyondimi syabo siri ngʼemĩyalĩ eyĩtwĩre.

⁵ Ũkangaye obukulu bwawe, Nyamuhanga, omo kyanya, Nʼolukengerwa lwawe lũkoleraye omo kihugo kyosĩ!

⁶ Esyonzĩgũ syage syabiritegeka ekitego busana nʼerinyihamba; Namakwa engitsi. Mobatakula obuhya omo nzira yage, Babiritogera mubo ĩbobene.

⁷ Nyĩsĩkĩre, Nyamuhanga, nyĩsĩkĩre ndeke! Ngandikwimbira esyonyimbo nʼerikupipa!

⁸ Uwe kĩrĩmũ kyage, ubuke! Ubuke, enanga yage, nʼenzenze! Ngandĩbũkya eryuba!

⁹ Uwe Mukama, ngandikuha ewasĩngya omo katĩkatĩ kʼebihanda! Ngandikupipa omo katĩkatĩ kʼabandu!

¹⁰ Olwanzo lwawe olutyusa lũkahĩka elubula, Eritindalegula lyawe lĩkahĩka omo kyanya.

¹¹ Ũkangaye obukulu bwawe, uwe Nyamuhanga, omo kyanya, Nʼolukengerwa lwawe omo kihugo kyosĩ!