Esyonyimbo 56 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba lyʼeriyiketera Nyamuhanga

Busana nʼomwĩmbĩrĩrĩ mukulu. Lukimbirawa ngʼakalĩkũkũ kʼabandu bʼehali. Olwimbo lwʼerĩkangĩrĩrya, olwa Dawĩdĩ omugulu Abafĩlĩsĩtĩnĩ bamuhamba eGatĩ.

¹ Uwe Nyamuhanga unyiganyire, kusangwa abandu bakanyibambira; Esyonzĩgũ syage sĩkanyendereraya emigulu yosĩ!

² Esyonzĩgũ syage sikanyibambira omo musibo gosĩ! Abakalwa nage ni bangi kutsibu!

³ Uwe Wʼendata Kutsibu, omugulu ngubaha, Ngayiketera we.

⁴ Ngayiketera Nyamuhanga, kandi ngapipa endagane yiwe; Ngayiketera Nyamuhanga, sindiendisyubaha; Ko mundu buyira anganyikolakĩ kwehĩ?

⁵ Bakanyendereraya omo musibo gosĩ omo byosĩ ngakola; Bakaganĩraya erĩnyĩta emigulu yosĩ.

⁶ Bakahĩndana haguma aho bakabĩsama, Bakalinga ebyosĩ ngakola, Ibakasonda erĩnyĩholya.

⁷ Usuyirebo, Nyamuhanga, busana nʼebibi byabo; Ũkĩnde abandu aba omwʼihitana lyawe;

⁸ Ũnasĩ ngoko ngagalawa; Wabirisaka emiganzo yʼemĩsonĩa yage. Sĩyĩsakĩre omo kitabu kyawe kwehĩ?

⁹ Oko kiro nasyakulakira, esyonzĩgũ syage syasyasũbĩbwa enyũma. Nyasĩ ekĩ: Nyamuhanga ali oko luhande lwage!

¹⁰ Ngayiketera Nyamuhanga, kandi ngapipa endagane yiwe; Ngayiketera Omwami Mukulu nʼeripipa endagane yiwe;

¹¹ Ngayiketera Nyamuhanga, sindiendisyubaha; Ko mundu buyira anganyikolakĩ kwehĩ?

¹² Ngandikuha, uwe Nyamuhanga, ebyo nabirilaga; Ngandikuha amahere wage wʼewasĩngya,

¹³ Kusangwa Wabĩrĩnyĩlamya oko luholo, Kandi Wabirireka ĩndakĩndwa. Litya ngalendera embere sya Nyamuhanga, Omo kyakakala ekĩkakoleraya oko baliho.