Esyonyimbo 54 - AMASAKO ABOYTRTRE WA NYAMUHANGA AWAKAHULAWA MO BIBLIAErisaba busana nʼerĩteyĩbwa oko syonzĩgũ Busana nʼomwĩmbĩrĩrĩ mukulu. Oko nanga. Olwimbo lwa Dawĩdĩ omugulu Abazĩfũ bayabwira Saũlo bati, Dawĩdĩ alĩsamĩrewetu. 1 Uwe Nyamuhanga, ũnyĩlamaye omo bũtokĩ bwʼerĩna lyawe! Ũnyĩlamaye omo bũtokĩ bwawe! 2 Uwe Nyamuhanga, wowe erisaba lyage; Uhulikirire ebĩnywa byage! 3 Abandu abakayiheka bakanyibambira; Kandi abandi bakalĩre bakasonda erĩnyĩta, Ni bandu abatatsomene Nyamuhanga. 4 Nyĩnasĩ Nyamuhanga kwʼali mũwatĩkya wage, Nyĩnasĩ Omukama kwʼakanyihanganira! 5 Nyamuhanga asuyire esyonzĩgũ syage omo bibi byabo; Kusangwa sialiregula, asyaheryasyo. 6 Ngandikuherera obuhere nʼobutseme, Ngandikuha ewasĩngya uwe Mwami Mukulu kusangwa uli mubuya. 7 Wabĩrĩnyĩlamya omo malĩge wage gosĩ, Kandi nabirilangira esyonzĩgũ syage ko sĩkakĩndawa. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo