Esyonyimbo 53 - AMASAKO ABOYTRTRE WA NYAMUHANGA AWAKAHULAWA MO BIBLIAObubi bwʼabandu (ESYONYIMBO 14) Busana nʼomwĩmbĩrĩrĩ mukulu oko syonanga. Olwimbo lwa Dawĩdĩ. 1 Abakĩrũ bakayibwira bati, Sihali Nyamuhanga. Batsandĩre, babirikola emĩbĩrĩ yʼesyonye; Sihali omundu oyukakola ebibuya. 2 Nyamuhanga akasamalira eyĩkwa, iniane elubula, akasamalira abandu, Eriminya nga hane mundu wʼamenge, Kutse nga hane oyukasonda-sonda Nyamuhanga. 3 Nĩkwa abosĩ babirikitira ehandi, abosĩ babiritsanda; Sihali oyukakola ebibuya, iyihi, nʼomuguma. 4 Kwʼabakola-nabi bosĩ sibawite amenge kwehĩ? Bakabuga abandu bage, ngʼabandu abakalya obundu. Kandi sibelakira Nyamuhanga. 5 Nĩkwa bakubaha kutsibu ahate obuba, Kusangwa Nyamuhanga abiripanza-panza amakũha wʼesyonzĩgũ syawe; Asyakĩndasyo kutsibu, kusangwa Nyamuhanga abiriganabo. 6 Ngasaba nyiti, Kumbe erilama lya Ĩsraelĩ lĩkalũa eSĩonĩ! Omugulu Nyamuhanga asyasũbya obunyegwa bwʼabandu buwe, Neryo Yakobo asyatsema, Ĩsraelĩ asyatsanga. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo