Esyonyimbo 52 - AMASAKO ABOYTRTRE WA NYAMUHANGA AWAKAHULAWA MO BIBLIA

Eritswera lya Nyamuhanga, nʼolukogo luwe

Busana nʼomwĩmbĩrĩrĩ mukulu. Erĩkangĩrĩrya lya Dawĩdĩ omugulu Doegĩ Omũedomũ, asa nʼeribwira Saũlo ati, Dawĩdĩ amasa oko nyũmba ya Ahĩmelekĩ.

¹ Uwe mbangĩ, busana nakĩ ukayihalamba omo bibi kwehĩ? Olwanzo lwa Nyamuhanga olutyusa ni lwʼomugulu gosĩ.

² Ũkayĩsũnza erĩherya bandi; Olulimi lwawe lulingene nʼolugembe lũtwĩre, erĩbũga amabehĩ.

³ Wanzĩre ebibi kwilaba ebibuya, Wanzĩre eribiha kwilaba erĩbũga ebyʼekwenene.

⁴ Uwe wanzĩre eribanda bandu omo bĩnywa byawe, Uwe mũbehĩ!

⁵ Neryo Nyamuhanga asyakũherya kera na kera; Asyakutsimba, nʼerĩkũpũra omo hema yawe; Asyakũlũsya omo kihugo kyʼabaliho.

⁶ Abandu batunganene basyalangira ekĩ nʼeriubaha, Kandi basyakuseka, bati,

⁷ Lebaya, omundu oyutayiketera Nyamuhanga busana nʼobuholo, Nĩkwa mwayiketera obungi bwʼobuteke buwe, Kandi mwasonda Obuholo omo bibi biwe.

⁸ Nĩkwa ĩngye nyiringene nʼomuti wʼomũzeĩtũnĩ owakalasa hakũhĩ nʼenyũmba ya Nyamuhanga; Ĩngye ngayiketera olwanzo lwa Nyamuhanga olutyusa kera na kera.

⁹ Nasyakuha ewasĩngya, uwe Nyamuha­nga, busana nʼebyo wabirikola; Nasyakanganĩa kʼuli mwenge omo katĩkatĩ kʼabandu bawe.