Esyonyimbo 50 - AMASAKO ABOYTRTRE WA NYAMUHANGA AWAKAHULAWA MO BIBLIA

Erĩramya lyʼekwenene

Olwimbo lwa Asafũ.

¹ Embangĩ, ye Nyamuhanga, Omwami Mukulu, abĩrĩbũga; Akabirikira ekihugo kyosĩ erĩtsũka aho eryuba likahuluka nʼerĩhĩka aho likalengera.

² Nyamuhanga akakoleraya erĩlũa eSĩo­nĩ, ESĩonĩ owabĩrĩhĩkana omo bubuya.

³ Nyamuhanga wetu akasa, sialibya bũkũtũ; Omuliro akahĩsaya embere siwe, Erihunga lĩkalĩre lĩkamũtĩmbako.

⁴ Akabirikira olubula nʼekihugo ngʼabalangĩrĩ, Balangire akatswera abandu buwe.

⁵ Akabũga ati, Mũnyĩhĩndanĩraye abandu bage abateregula, Ababirilagana nage omo mahere.

⁶ Nʼolubula Kĩkatũla eritunganene lya Nyamuhanga, Kusangwa Nyamuhanga nĩ mũtswerĩ!

⁷ Ĩnywe bandu bage, mowe, nage nga­ndĩbũga; Nasyakuhandikirira, uwe Ĩsraelĩ. Ĩngye indi Nyamuhanga, Nyamuhanga wawe.

⁸ Sindikukunga busana nʼamahere wawe, Nʼamahere wʼerĩokererya ago ukanyiherera ebiro byosĩ.

⁹ Sindiendĩsyĩmya esyonume syʼesyonde sĩkalũa ewawe, Kutse esyombene-hene syʼebihangulo byawe.

¹⁰ Kusangwa esyonyama syʼomolĩ ni syage, Nʼesyonde esiri oko bitwa ni maelfu.

¹¹ Esyonyonyũ syosĩ syʼekyanya ni syage, Nʼesyonyama syosĩ esiri omolĩ ni syage.

¹² Kumbe nyĩkwĩre enzala sinangakubwira, Kundi ekihugo nʼebyosĩ ebiri mukyo ni byage.

¹³ Ko ngalya esĩswĩ syʼesyonume, syʼesyonde, Kutse ngapũlaya omusasi wʼesyombene-hene kwehĩ?

¹⁴ Eriha ewasĩngya uku Nyamuhanga libye obuhere bwawe, Kandi ulihe Owendata Kutsibu erĩlahĩrya lyawe.

¹⁵ Unyilakire omugulu obũlĩge bũkahĩka; Nasyakũlamya, nawe wasyanyipipa.

¹⁶ Nĩkwa Nyamuhanga akabwira ababi ati, Busana nakĩ ũkakanaya emigambo yage kwehĩ? Kutse uti ũkatũla omwatsi wʼendagane yage kwehĩ?

¹⁷ Kusangwa sĩwanzĩre ngakukunga; Kandi ũkanyĩlolaya kwʼomugongo omugulu ngabũga.

¹⁸ Omugulu ukalangira omũrahĩ ukabya mwĩra wuwe, Kandi ukatamba nʼabasĩngĩrĩ.

¹⁹ Ũsĩkĩre erĩbũga ebibi; Nʼolulimi lwawe lũkayĩsũnza eribiha.

²⁰ Ũsĩkĩre erihandikirira mũlĩkyenyũ, Nʼerirega mugala wenyũ.

²¹ Wabirikola ebyosĩ ebĩ, nage monabya bũkũtũ, Neryo mowaganĩrya uti indi nga we. Nĩkwa lino ngandikukunga, nʼerĩkũtondekanĩryabyo.

²² Neryo mũganĩraye ebĩ, ĩnywe mukibirirawa Nyamuhanga, Ngasyabaherya, isihali oyo wasyabalamya.

²³ Oyukahera obuhere bwʼewasĩngya, akanyĩsĩkaya; Kandi nasyalamya kwenene Abosĩ abakanyikenga.