Esyonyimbo 5 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisabira obũteya

Ebarua oko mwĩmbĩ mukulu: omo syonanga. Olwimbo lwa Dawĩdĩ.

¹ Uwe Mwami Mukulu, uhulikirire ebĩnywa byage Gowe erĩsĩmba lyage.

² Omwami wage na Nyamuhanga wage, Gowe erilaka lyage. Kusangwa ngasaba ukʼuwe.

³ Uwe Mwami Mukulu, ũkowa omulenge wage omo ngyakya-ngyakya, Omugulu bukakya, ngategekanaya erisaba lyage ukʼuwe nʼerikulindirira.

⁴ Suli Nyamuhanga oyukatsemera ebibi, Ebibi Sibiri haguma nawe.

⁵ Abakayiheka sibalihangana omo meso wawe; Ũkakwa abandu abakakola nabi bʼobusu.

⁶ Wasyaherya abandu abakabũga ama­behĩ. Omwami Mukulu akakwa esyonye omundu oyũkũta omusasi, nʼoyukateba.

⁷ Nĩkwa ĩngye nasyaya omo nyũmba yawe busana nʼolwanzo nʼobubuya bwawe bunene, Nasyakũramya nʼerikubaha ĩngalolaya oko Hekalũ yawe ĩbũyĩrĩre.

⁸ Uwe Mwami Mukulu, unyisondole omo litunganene yawe busana nʼe syonzĩgũ syage, Ũnyĩkangaye ndeke enzira yawe nyikwameyo.

⁹ Ebyo syonzĩgũ syawe sĩkabũga sibyangayiketerwa, Emitima yabo yoswĩre nʼebibi, Obuno bwabo buli ngʼeyisinda eyĩtalĩbĩre Erĩbũga lyabo lĩkĩta bandu. Bakasehaya omo lulimi lwabo.

¹⁰ Uwe Nyamuhanga, uganzirebo omu­sango, Uleke batogere omo syombĩta syabo; Ugusebo balũe embere syawe busana nʼerĩhalya lyabo lĩnene, Kusangwa babirihona ukʼuwe.

¹¹ Nĩkwa abosĩ abakakusagirako batseme, Bayitsangure ebiro byosĩ, nawe wimirebo,

¹² Kandi abakakwanza basyakutsemerako. Uwe Mwami Mukulu, ukatsumula abakakukenga, Obugenge bwawe bukahanganirabo ngʼengabo.