Esyonyimbo 48 - AMASAKO ABOYTRTRE WA NYAMUHANGA AWAKAHULAWA MO BIBLIA

Sĩonĩ, omũyĩ wa Nyamuhanga

Olwimbo lwʼabagala ba Kora.

¹ Omwami Mukulu ni mukulu, atolere eripipwa kutsibu, Apipawe omo mũyĩ wa Nyamuhanga wetu, oko kitwa kiwe kĩbũyĩrĩre.

² Ekitwa kyʼeSĩonĩ, ni kiri, kandi ni kibuya; Ni kitwa kikaleta obutseme oko kihugo kyosĩ. Nĩ mũyĩ wʼOmwami Mukulu.

³ Omo bikali byʼomũyĩ ogo Nyamuhanga abĩrĩyĩkangya eribya busayiro.

⁴ Abami mobahĩndana haguma, Mobalaba haguma eriyalwa nʼeSĩonĩ.

⁵ Mobalangirago nʼerisweka; Mobubaha, mobatibita.

⁶ Kandi mobatsũka erititimana, Nʼeriagalwa ngʼomũkalĩ oyukakunda.

⁷ Ũkabũnanga amato wʼeTarsisi, Omo lihunga lyʼendata.

⁸ Twabĩrĩowa emyatsi eyĩ, na lino twabirilangirayo Omo mũyĩ wa Nyamuhanga wetu, Omo mũyĩ wʼOmwami Mukulu Omũtokĩ Wʼebyosĩ; Asyateyago omo buholo kera na kera.

⁹ Omo Hekalũ yawe, uwe Nyamuhanga, Tũkaganĩraya olwanzo lwawe olũtyũmbaya.

¹⁰ Uwe Nyamuhanga ukapipawa nʼabandu ehosĩ-hosĩ; Kandi engulu yawe, nibya, ĩkahĩka oko ndũlĩ yʼekihugo. Ebyala byawe byʼamali bikatabala mwʼerĩbanza litunganene.

¹¹ Abandu bʼeSĩonĩ batseme! Emĩyĩ yʼeYũda ĩyĩsyandire, Busana nʼeritswera lyawe litunganene!

¹² Mulendere omo Sĩonĩ, mũtĩmbeho! Muganze amanyũmba wayo awayĩsũngũlĩkĩre.

¹³ Mũlebaye ndeke esyombĩmbo syago, Musamalire ebikali byako; Imwatoka erĩkanĩryago oko bana benyũ.

¹⁴ Muti, Nyamuhanga oyũ ni Nyamuhanga wetu kera na kera; Asyabya mũsondolĩ wetu erĩhĩka oko migulu yosĩ eyasyasa. Obũkĩrũ bwʼeriyiketera ebindu Busana nʼomwĩmbĩrĩrĩ mukulu. Olwimbo lwʼabagala ba Kora.