Esyonyimbo 47 - AMASAKO ABOYTRTRE WA NYAMUHANGA AWAKAHULAWA MO BIBLIAOmũtabalĩ oyũlabĩre ebyosĩ Busana nʼomwĩmbĩrĩrĩ mukulu. Olwimbo lwʼabagala ba Kora. 1 Abandu bosĩ mukangatire ebyala byenyũ! Mupipe Nyamuhanga nʼesyonyimbo syʼomulenge munene! 2 Omwami Mukulu Owendata Kutsibu, angubahwa; Iye ni Mwami mukulu, akatabala omo kihugo kyosĩ. 3 Iye mwatuha erĩkĩnda ebihanda; Mwaleka itwatabala oko bihanda. 4 Iye mwayisoga ebitaka aho twangĩkala, Obũsokĩ bwʼabandu buwe abo anzĩre. 5 Nyamuhanga akahetukira oko kĩtũmbĩ kyʼobwami buwe! Omwami Mukulu akahetuka! Hali emirenge yʼobutseme, nʼomulenge wʼengubi. 6 Mwimbire Nyamuhanga eripipa, mumwimbire eripipa! Mwimbire Omwami wetu eripipa, mumwimbire eripipa! 7 Nyamuhanga ni mwami wʼekihugo kyosĩ; Mumupipe omo syonyimbo! 8 Nyamuhanga akatabala oko bihanda; Nyamuhanga ĩkere oko kĩtũmbĩ kiwe kyʼobwami, ekĩbũyĩrĩre. 9 Abatabalĩ bʼebihanda bakahĩndana haguma nʼabandu ba Nyamuhanga wa Abrahamũ. Esyongabo syʼabandu abakalwa ni sya Nyamuhanga; Iye akatabala oko bosĩ! |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo