Esyonyimbo 4 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba lyʼerĩgolo-golo uku Nyamuhanga

Oko mwĩmbĩrĩrĩ mukulu; Olwimbo oko nanga. Olwimbo lwa Dawĩdĩ.

¹ Ũnyĩsũbĩraye omugulu ngakubirikira, Uwe Nyamuhanga, omwĩmĩrĩ wage! Omugulu indi nʼobũlĩge, mowanyĩwatĩkya. Unyiganyire, wowe erisaba lyage.

² Ĩnywe bagala bʼabandu, mwasyanyitsuma nʼerĩtwĩryahi kwehĩ? Mwasyatwĩryahi erianza obute mugaso, nʼerĩsondya ekyʼamabehĩ kwehĩ?

³ Muminye Omwami Mukulu kwʼabiriyisoga oyukamukenga, Omwami Mukulu akowa omugulu ngamulakira.

⁴ Mubahe, Simukole ebibi. Mũganĩraye ndeke omo nyũmba yenyũ, imuli bũkũtũ.

⁵ Muhere amahere atunganene oko Mwami Mukulu, Kandi muyiketere ye.

⁶ Ni bangi abakabũga bati, Nindi wa­syatuha omugaso kwehĩ? Uwe, Mwami Mukulu, utusamalire omo bwenge bwawe.

⁷ Wabĩrĩhĩra obutseme omo mutima wage, Obũlabĩre obutseme bwʼabandu abawite ebyalya nʼebĩnyũ.

⁸ Ngandigotsera nʼeriyato omo buholo, Kusangwa uwe Mwami Mukulu ĩwowene ukaleka ĩnĩkala butsira eriubaha.