Esyonyimbo 36 - AMASAKO ABOYTRTRE WA NYAMUHANGA AWAKAHULAWA MO BIBLIA

Obubi bwʼabandu

Oko mwĩmbĩrĩrĩ mukulu. Olwimbo lwa Dawĩdĩ omugombe wʼOmwami Mukulu.

¹ Ebibi bĩkabũga nʼomundu mubi omo mutima wuwe; Kandi sibetaminya eriubaha Nyamuhanga

² Kusangwa akayipipa, Akaganĩraya ati Nyamuhanga siendisyabana ebibi biwe nʼeritswerabyo.

³ Erĩbũga liwe ni ribi kandi rikateba; Sihakiri omundu wʼamenge nʼerikola ebibuya.

⁴ Akayĩsũnza esyombĩta nyibi omugulu akagotsera oko ngyingo yiwe. Emigendere yiwe sĩyowene; Sialigana ebibi.

Obubuya bwa Nyamuhanga

⁵ Uwe Mwami Mukulu, obubuya bwawe bʼolwanzo bũkahĩka oko matũkũ; Eritendiregula lyawe lĩkahĩka omo kyanya.

⁶ Eritunganene ryawe riringene nʼebitwa bya Nyamuhanga, Eritswera lyawe riringene nʼemirindi yʼengetsi. Uwe Mwami Mukulu, ukabika abandu nʼesyonyama syʼomolĩ.

⁷ Uwe Nyamuhanga, obubuya bwawe bʼolwanzo ni bwʼenzwere nene! Abandu bakabana obusayiro omo kyũtsũtsũ kyʼebĩpũpa byawe.

⁸ Bakalya ndeke akalyo kʼenyũmba yawe; Ũkanywĩsayabo oko lũsĩ lwʼobubuya bwawe.

⁹ Uli nzũko yʼengebe yosĩ, Kandi omo kyakakala kyawe tukalangira ekyakakala.

¹⁰ Sĩgũmbaye erianza abakwasĩ, Kandi sũkakĩraye eritunganene lyawe oko bandu batunganene.

¹¹ Suleke abandu abakayihagata erinyibambira, Kandi Suleke abandu babi bakanyitibitako.

¹² Lebaya aho abandu babi babiritogera; Eyo bagotsere ahisi, isibendisyatoka erihangana.