Esyonyimbo 33 - AMASAKO ABOYTRTRE WA NYAMUHANGA AWAKAHULAWA MO BIBLIA

Olwimbo lwʼeripipa

¹ Ĩnywe bosĩ abatunganene, mutsemere Omwami Mukulu! Eripipa ni ribuya busana nʼabatunganene.

² Muhe ewasĩngya oko Mwami Mukulu omo nanga, Mumwimbire omo Sindi nanga syʼemĩsĩsa ĩkũmĩ.

³ Mumwimbire Olwimbo luhya-luhya, Muwate enanga nʼamenge, nʼerĩyĩsyandira nʼomulenge!

⁴ Ebĩnywa byʼOmwami Mukulu ni byʼekwenene, Nʼemĩbĩrĩ yiwe yosĩ ni yʼobutalegula.

⁵ Omwami Mukulu anzĩre ekitunganene nʼerĩbanza litunganene. Obubuya buwe bʼolwanzo bũkũsũlaya ekihugo.

⁶ Omwami Mukulu mwabũga ekĩnywa kisa neryo amatũkũ mwahangikwa, Kandi mwategeka, neryo eryuba nʼomukera nʼesyongũnũnũ mobyahangikwa,

⁷ Mwahĩndanĩa esyongetsi syosĩ syo haguma; Kandi mwabika emitobero omo syombĩso.

⁸ Ekihugo kyosĩ kyubahe Omwami Mukulu! Esyondũlanĩ syosĩ syʼekihugo simukenge!

⁹ Omugulu abũga ekĩnywa kisa, ekihugo mokyahangikwa; Omugulu ahana, ebyosĩ mobyahuluka.

¹⁰ Omwami Mukulu akayira esyombĩta syʼebihanda mo buyira, Akalĩmaya erĩyĩsũnza lyʼabandu.

¹¹ Ebihano byʼOmwami Mukulu byasyahangana kera na kera, Nʼerĩyĩsũnza liwe likakota.

¹² Obutseme buli oko kihanda ekiwite Nyamuhanga mo Mwami Mukulu; Obutseme buli oko bandu abiriyisoga mo bandu buwe.

¹³ Omwami Mukulu akalebaya eyĩkwa oko lubula, Akalebaya bandu bosĩ.

¹⁴ Akaleberaya aho ĩkere Abosĩ abĩkere omo kihugo.

¹⁵ Akakokotaya emitima yabo abosĩ, Akaganĩraya emĩbĩrĩ yabo yosĩ.

¹⁶ Omwami sĩalĩkĩnda busana nʼemilondo yiwe minene, Embangĩ naye sĩalĩkĩnda busana nʼamaka wuwe.

¹⁷ Esabayĩrĩ si kindu kikaleta Obuholo; Kutse, sĩrĩlamaya omundu busana nʼamaka wayo manene.

¹⁸ Lebaya, Omwami Mukulu akategaya abakamubaha, Kandi akategaya abakahĩra amaha oko bubuya buwe bʼolwanzo.

¹⁹ Akalamaya ekĩrĩmũ kyabo oko luholo; Akaleka ibabyaho oko mugulu wʼenzala.

²⁰ Amaha wetu ali oko Mwami Mukulu; Iye nĩ mũwatĩkya wetu, nʼomũhanganĩrĩ wage.

²¹ Emitima yetu yasyatsema busana naye, Kusangwa tukayiketera erĩna liwe lĩbũyĩrĩre.

²² Uwe Mwami Mukulu, obubuya bwawe bʼolwanzo bubye netu, Ngoko twabĩrĩkũhĩra kwʼamaha.