Esyonyimbo 32 - AMASAKO ABOYTRTRE WA NYAMUHANGA AWAKAHULAWA MO BIBLIA

Erigungama neribuyirwa

Olwimbo lwa Dawĩdĩ. Olwimbo lwʼamenge.

¹ Obutseme buli nʼomundu oyukabuyirawa amalolo wuwe, Nʼomundu oyo Nyamuhanga abĩrĩkũnĩngĩra ebibi biwe.

² Obutseme buli nʼomundu oyo Mwami Mukulu atesyaganzira kwʼebibi, Nʼomundu oyute nʼamatebo omo kĩrĩmũ kiwe.

³ Omugulu ndakangaya ebibi byage, Omubiri wage mwahwerekerera, Busana nʼerĩsĩmba lyage omo musibo gosĩ.

⁴ Mowanyisuyira omo musibo gosĩ nʼomo kiro kyosĩ. Amaka wage mwahwamo, ngʼomugulu wʼeriuma omo mũtũta.

⁵ Neryo monakũkangya ebibi byage, Mondabĩsa erikola nabi lyage. Monabũga nyiti, Ngandĩkangya Omwami Mukulu amalolo wage; Nawe mowabuyira embuga yʼebibi byage.

⁶ Neryo abandu bawe bosĩ abakũkengĩre bakusabe omo mugulu wʼobwaga; Kwenene omugulu wʼamaganĩryo omugulu wʼerigunga lyʼamagetsi lĩkahĩka, siendisyamũhĩkako.

⁷ Uli bũbĩsamo bwage; Wasyanyĩteya oko bũlĩge. Nasyimba busana nʼerilama lyawe, kusangwa ukanyihanganira.

⁸ Nasyakũkangĩrĩrya enzira wangalabamo; Nasyakuhana nʼerĩkwĩyĩsya.

⁹ Sukale ngʼesabayĩrĩ kutse enyumbu esitawite amenge; Esĩkakakĩrĩbawa nʼekyuma omo buno, nʼomukoba omo bĩkya, Busana nʼeriretasyo ukʼuwe.

¹⁰ Abandu babi basyagalwa kutsibu, Nĩkwa abakayiketera Omwami Mukulu, Obubuya bwʼolwanzo bwasyabatĩmbako.

¹¹ Ĩnywe batunganene, mutsange, mutseme oko Mwami Mukulu. Kandi ĩnywe bosĩ abʼemitima itunganene, mũyĩsyandire omo butseme!