Esyonyimbo 31 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba lyʼeriyiketera Nyamuhanga

Oko mwĩmbĩrĩrĩ mukulu. Olwimbo lwa Dawĩdĩ.

¹ Uwe Mwami Mukulu, ngakũhĩkako, unyihanganire; Suleke ngahemulwa na kera. Ũnyĩlamaye omo litunganene ryawe.

² Utege okũtũ kwawe busana nage, ũnyĩlamaye lũba! Ubye ahʼerisagira lyage, unyihanganire Ubye nyũmba eyĩkangatĩre yʼerĩnyĩlamya.

³ Uwe uli mũhanganĩrĩ wage, nʼenyũmba eyĩkangatĩre yage; Unyisondole nʼerĩnyĩkangya enzira busana nʼerĩna lyawe.

⁴ Unyusule omo kitego kyʼabandu abanyitega bũbĩso-bĩso, Uwe uli busayiro bwage.

⁵ Ngahĩra ekĩrĩmũ kyage omo byala byawe; Uwe Mwami Mukulu, wabĩrĩnyĩtongolya; Uwe Nyamuhanga wʼekwenene.

⁶ Ũkakwa obusu abakaramaya esyosanamu esitawite mugaso, Nĩkwa ĩngye ngayiketera Omwami Mukulu.

⁷ Nasyatsema nʼeritsanga omo bubuya bwawe bʼolwanzo; Kusangwa ukalangira obũlĩge bwage, Kandi wasĩ omunubo wʼomutima wage.

⁸ Sulitanyĩrekeranĩa omo byala byʼesyonzĩgũ syage; Wabĩrĩnyĩhĩra ahali Obuholo.

⁹ Uwe Mwami Mukulu, unyiganyire, kusangwa indi omo bũlĩge; Ameso wage amaluha busana nʼeririra, Nʼekĩrĩmũ nʼomubiri wage nibya.

¹⁰ Engebe yage ikahwa omo bũlĩge, Nʼerihumulikana likabũga emyaka yage; Ebibi byage bikabuga amaka wage, Nʼamakũha wage akahwerekerera.

¹¹ Esyonzĩgũ syage syosĩ sikanyiseka, Abali hakũhĩ nage bakanyitsuma kutsibu; Abanyasĩ bakanyubaha; Abakanyilolako omo nzira; bakatibita.

¹² Namibiriranwa nʼabosĩ nga nabirihola; Nyiri nga kindu ekyabiriguswa.

¹³ Ngowa esyonzĩgũ nyingi sĩkabũga omo bihwehwe; Obuba buli oko mbande syosĩ! Bakaya embĩta yʼerinyibambira, Nʼerihanana bati bakanyĩta.

¹⁴ Nĩkwa uwe Mwami Mukulu, ngayiketera we, Nyiti, Uli Nyamuhanga wage.

¹⁵ Nyiri omwʼirembera lyawe emigulu yosĩ; Ũnyĩlamaye oko syonzĩgũ syage, nʼabakanyendereraya.

¹⁶ Indi mugombe wawe, unyisamalire omo bwenge bwawe; Ũnyĩlamaye omo bubuya bwawe bʼolwanzo.

¹⁷ Uwe Mwami Mukulu, ngakulakira, Suleke ngahemulwa! Abakola-nabi bahemulawe, babye bũkũtũ eKũlĩmũ.

¹⁸ Emĩnywa eyikabiha ĩkũmbawe, Eyĩkabũga nʼeriyiheka nʼepono; Eyĩkabũga nʼerĩyĩhamya oko mundu utunganene!

¹⁹ Obubuya bwawe ni bunene, Obukabikira abakakukenga! Obubuya bwawe ni bunene obo ukakola embere syʼabandu, Igukalembera abakayiketera we!

²⁰ Ũkabĩsabo omo mbĩso embere syawe, oko syombĩta syʼabandu; Ũkabĩsabo ahali Obuholo oko bĩtsũmĩ byʼesyonzĩgũ syabo.

²¹ Omwami Mukulu apipawe! Kusangwa abĩrĩnyĩkangya obubuya buwe bwʼolwanzo, bwʼeriswekera, Omugulu banyĩtĩmbako nʼerinyibambira.

²² Monubaha neryo monabũga nyiti, Wabĩrĩnyĩlũsya omo meso wawe. Nĩkwa mowowa erilaka lyage, Omugulu nakulakira.

²³ Mwanze Omwami Mukulu, ĩnywe bandu buwe. Omwami Mukulu akahanganira abateregula, Nĩkwa akasuyira kutsibu abakayiheka.

²⁴ Mubye nʼamaka, muhande emitima yenyũ, Ĩnywe bosĩ mũkahĩra amaha oko Mwami Mukulu!