Esyonyimbo 30 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba lyʼewasĩngya

Olwimbo lwʼerihigula enyũmba. Olwimbo lwa Dawĩdĩ.

¹ Uwe Mwami Mukulu, ngakupipa, kusangwa Wabĩrĩnyĩlamya, Kandi sulitaleka esyonzĩgũ syage sikanyitsemera.

² Uwe Mwami Mukulu, Nyamuhanga wage, Monakulakira, nawe mowanyĩlamya.

³ Uwe Mwami Mukulu, wabĩrĩnyĩsũbũlya erĩnyĩlũsya eKũlĩmũ; Nabya ngandagalira omo buhya, nĩkwa wabĩrĩsũbya engebe yage.

⁴ Ĩnywe bandu ba Nyamuhanga, mwimbe eripipa Omwami Mukulu, Mwibuke ebyo Oyũbũyĩrĩre abirikola, mumuhe ewasĩngya.

⁵ Erihitana liwe nĩ ryʼakatambĩ kake, Olukogo luwe lũkotĩre. Eririra lyanganalindirira omo kiro, Nĩkwa obutseme bukasa engyakyangyakya.

⁶ Omo buholo bwage, monayibwira nyiti, Sĩndĩendĩsyakĩndwa.

⁷ Uwe Mwami Mukulu, wabĩrĩnyĩteya erinyikola kibuya ngʼomundu omo busayiro bwʼekitwa. Nĩkwa Wabere wayĩbĩsa ũkwʼĩngye, monabya nʼobuba.

⁸ Uwe Mwami Mukulu, monakulakira; Monasaba Omwami Mukulu anyĩwatĩkaye.

⁹ Omusasi wage asyagasakĩ namandagalira omo buhya kwehĩ? Abaholĩ basyakupipa kwehĩ? Basyatũla omwatsi wʼekwenene yawe kwehĩ?

¹⁰ Uwe Mwami Mukulu, ũnyowe, unyiganyire! Mwami Mukulu, ubye mũwatĩkya wage!

¹¹ Wabiribindula obũlĩge bwage mo masata wʼobutseme; Wabiriambula emisarandwe yage, wabĩrĩnyambalya obutseme.

¹² Neryo Sindiendisyabya bũkũtũ; Nasyakwimbira eripipa. Uwe Mwami Mukulu, Nyamuhanga wage, Nasyakuha ewasĩngya kera na kera.