Esyonyimbo 3 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba lyʼengyakya-ngyakya uku Nyamuhanga

Dawĩdĩ mwasaka Olwimbo olu omugulu atibita akasaga Abũsaloma.

¹ Mwami Mukulu, esyonzĩgũ syage syamakanya! Ni bangi abakalwa nage!

² Ni bangi abakahula omutima wage bati, Nyamuhanga sĩendĩsyamũwatĩkya.

³ Nĩkwa uwe, Mwami Mukulu, uli ngabo eyikanyiswika, Uli lukengerwa lwage, nʼoyukasumba omutwe wage.

⁴ Ngalakira Omwami Mukulu anyĩwatĩkaye, Naye akanyĩsũbĩraya iniane omo kitwa kiwe kĩbũyĩrĩre.

⁵ Ngagotsera nʼeriyato, Ngabuka ndeke, kusangwa Omwami Mukulu akanyihanganira.

⁶ Sindiendiubaha esyonzĩgũ elfu ĩkũmĩ Abakanyĩtĩmbako nʼerinyibambira.

⁷ Uwe Mwami Mukulu, uhangane; Nyamuhanga wage ũnyĩlamaye! Ũkaswĩraya esyonzĩgũ syage syosĩ oko matema wabo, Ukatulanga ameno wʼababi.

⁸ Erilama ni ryʼOmwami Mukulu, Eritsumula lyawe libye oko bandu bawe.