Esyonyimbo 29 - AMASAKO ABOYTRTRE WA NYAMUHANGA AWAKAHULAWA MO BIBLIA

Omulenge wʼOmwami Mukulu

Olwimbo lwa Dawĩdĩ.

¹ Ĩnywe bagala ba Nyamuhanga, mupipe Omwami Mukulu, Mwahule Omwami Mukulu omo lukengerwa nʼamaka.

² Muhe Omwami Mukulu yʼolukengerwa olutolere erĩna liwe; Mũramaye Omwami Mukulu omo bibuya byʼebĩbũyĩrĩre.

³ Omulenge wʼOmwami Mukulu akogũbawa oko syongetsi; Nyamuhanga wʼolukengerwa akalũma, Omulenge wʼOmwami Mukulu akogũbawa oko syongetsi.

⁴ Omulenge wʼOmwami Mukulu nĩ wʼobũtokĩ Omulenge wʼOmwami Mukulu ni wʼobukulu!

⁵ Omulenge wʼOmwami Mukulu akatulanga emiti yʼekĩlagũ, Ega, Omwami Mukulu akatulanga ebĩlagũ byʼeLebanonĩ.

⁶ Akaleka ebitwa byʼeLebanonĩ ĩbyatwa ebika ngʼehyana hyʼende, Akaleka ekitwa kyʼeHermonĩ ĩkyatwa ekyika ngʼekyana kyʼende kyʼobulume.

⁷ Omulenge wʼOmwami Mukulu akayira erĩpalya lyʼobũtũkũ.

⁸ Omulenge wʼOmwami Mukulu akatĩtĩmanaya embwarara; Omwami Mukulu akatĩtĩmanaya embwarara yʼeKadesĩ.

⁹ Omulenge wʼOmwami Mukulu akabũkaya esyongabi, Kandi akalũsaya emitahi yʼomũsĩtũ; Kandi omo Hekalũ yiwe ebyosĩ bĩkabũga biti, Nyamuhanga apipawe.

¹⁰ Omwami Mukulu akatabala okwʼigunga lyʼamagetsi, Ega, Omwami Mukulu akatabala ngʼOmwami kera na kera.

¹¹ Omwami Mukulu akaha abandu buwe bʼakagala, Omwami Mukulu asyatsumula abandu buwe omo buholo.