Esyonyimbo 28 - AMASAKO ABOYTRTRE WA NYAMUHANGA AWAKAHULAWA MO BIBLIAErisaba nʼeripipa Olwimbo lwa Dawĩdĩ. 1 Uwe Mwami Mukulu ngakubirikira; Uwe mwĩmĩrĩ wage, wowe erilaka lyage! Wamatindanyĩsũbĩrya, Nasyabya ngʼabandu abakaya omo buhya. 2 Ũnyowe omugulu ngakulakira busana nʼerĩwatĩkya, Omugulu ngasumba ebyala byage erĩlolyabyo oko Hekalũ yawe ĩbũyĩrĩre. 3 Sunyitwale haguma nʼababi, Kutse haguma nʼabandu abakakola ebibi, Abakabũga Obuholo nʼabalĩkyabo, Nĩkwa omwaga ali omo mitima yabo. 4 Usuyirebo busana nʼemĩbĩrĩ yabo, busana nʼebibi babirikola, Usuyirebo busana nʼemĩbĩrĩ yabo yosĩ; Ulihebo obũhĩngĩ obutolerebo! 5 Kusangwa sibelangira emĩbĩrĩ eyo Mwami Mukulu abirikola, Kutse ebyo ebyala biwe byahangika, Neryo asyasuyirabo, nʼerĩheryabo. 6 Mupipe Omwami Mukulu, Kusangwa abĩrĩowa erilaka lyage! 7 Omwami Mukulu ni maka wage nʼomwĩmĩrĩ wage; Omutima wage akayiketera ye, namawatĩkĩbwa. Kandi omutima wage akatsema kutsibu, Nasyamupipa omo nyimbo syage. 8 Omwami Mukulu akalembera abandu buwe; Kandi nĩ mwĩmĩrĩ nʼomũlamya wʼOmwami oyo ayisoga. 9 Omukama, ũlamaye abandu bawe, utsumule abandu bawe! Ubye omũlĩsya wabo, ulemberebo ebiro byosĩ. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo