Esyonyimbo 25 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisabira amenge nʼerĩwatĩkĩbwa

Olwimbo lwa Dawĩdĩ.

¹ Omwami Mukulu, ngasaba ukʼuwe,

² Nyamuhanga wage, ngayiketera we Suleke ngahemulwa nʼerĩkĩndwa; Suleke esyonzĩgũ syage sĩkanyĩsekererya.

³ Ega, oyũkakũhĩra kwʼamaha siendisyahemulwa, Nĩkwa abakakupona hate mwatsi basyahemulwa.

⁴ Uwe Mwami Mukulu, ũnyĩkangĩrĩraye esyonzira syawe, Ũnyĩmĩnyĩsaye esyonzira syawe.

⁵ Unyisondole omo mwatsi wawe wa kwenene, ũnyĩkangĩrĩrayego; Kusangwa uli Nyamuhanga Omũlamya wage; Omo musibo gosĩ ngahĩra amaha wage ukʼuwe.

⁶ Uwe Mwami Mukulu Wibuke eriganyira libuya lyawe, nʼobubuya bwawe bwʼolwanzo, Kusangwa utula ukanganyira.

⁷ Siwibuke ebibi byʼobũlwana bwage, kutse amalolo wage, Nĩkwa unyibuke omo bubuya bwawe bʼolwanzo. Uwe Mwami Mukulu, unyibuke busana nʼobubuya bwawe.

⁸ Omwami Mukulu, atunganene, kandi ni mubuya, Neryo akakangĩrĩraya abakola-nabi enzira bangalabamo.

⁹ Akasondola abandu bolo omo lĩbanza litunganene, Akakangĩrĩraya abandu bolo omo nzira yiwe.

¹⁰ Esyonzira syosĩ syʼOmwami Mukulu ni syʼobubuya bʼolwanzo nʼekwenene, Kandi oko bakakwama endagane yiwe nʼerĩtũlago liwe.

¹¹ Uwe Mwami Mukulu, busana nʼerĩna lyawe, Ubuyire ebibi byage, kusangwa ni bingi.

¹² Omundu oyukakenga Omwami Mukulu, Asyakangĩrĩrĩbwa enzira eyo atolere eriyisoga.

¹³ Asyakamaha ebiro byosĩ, Nʼabana buwe basyasĩgalya ekihugo.

¹⁴ Omwami Mukulu nĩ mwĩra wʼabandu abakamukenga, Kandi akakangĩrĩrayabo endagano yiwe.

¹⁵ Ngahĩra amaha wage oko Mwami Mukulu erĩnyĩwatĩkya ebiro byosĩ, Akanyĩlamaya omo bwĩko.

¹⁶ Ũnyĩbũnũkalire, nʼerinyiganyira, Kusangwa indi ĩngyowene, kandi indi molo.

¹⁷ Ũndamaye oko maganĩryo wʼomutima wage. Ũnyĩlamaye omo malĩge wage gosĩ.

¹⁸ Ũlebaye amalĩge wage nʼamagalĩ wage, Kandi ubuyire ebibi byage byosĩ!

¹⁹ Ũlebaye esyonzĩgũ syage kusangwa ni bangi, Ũlebaye ngoko bakanyĩkwa obusu bunene!

²⁰ Unyihanganire, kandi ũlamaye engebe yage, Suleke ngakĩndwa, kusangwa ngakusagirako.

²¹ Ekwenene nʼeritunganene byawe bĩnyĩtegaye, Kusangwa ngayiketera we.

²² Uwe Nyamuhanga, ũtongolaye Ĩsraelĩ, Oko malĩge wuwe gosĩ.