Esyonyimbo 24 - AMASAKO ABOYTRTRE WA NYAMUHANGA AWAKAHULAWA MO BIBLIA

Omwami mukulu

Olwimbo lwa Dawĩdĩ.

¹ Ekihugo nʼebyosĩ ebiri mukyo ni byʼOmwami Mukulu, Ekihugo nʼabosĩ abĩkere mukyo ni biwe.

² Iye mwahandakyo oko syongetsi, Kandi mwasĩkyakyo okwʼigunga lyʼamagetsi.

³ Nindi yuwite ehamũlĩ yʼerihetukira oko kitwa kyʼOmwami Mukulu kwehĩ? Nindi yuwite ehamũlĩ yʼerihangana omo Hekalũ yiwe ĩbũyĩrĩre kwehĩ?

⁴ Yo nʼoyutunganene, omo mĩbĩrĩ nʼomo malengekanĩa, Yo nʼoyũtebũga mabehĩ, Kandi sialĩlahĩraya omwʼiteba.

⁵ Omwami Mukulu, asyamutsumula. Kandi asyabana ekitunganene uku Nyamuhanga Omũlamya wuwe.

⁶ Abo bo bandu bakasonda-sonda Nyamuhanga, Abahĩka embere sya Nyamuhanga wa Yakobo.

⁷ Mukingule esyongyo syo ndeke, Mukingule esyonyũyĩ sya kera, NʼOmwami wʼolukengerwa asyingiramo.

⁸ Omwami owʼolukengerwa oyũ nindi kwehĩ? Omwami Mukulu wʼakagala nʼembangĩ, Omwami Mukulu wʼobũtokĩ omo malwa.

⁹ Mukingule esyongyo syo ndeke, Mukingule esyonyũyĩ sya kera, Nʼomwami wʼolukengerwa asyingiramo.

¹⁰ Omwami owʼolukengerwa oyũ nindi kwehĩ? Omwami Mukulu wʼemilondo, Yo Mwami wʼolukengerwa.