Esyonyimbo 21 - AMASAKO ABOYTRTRE WA NYAMUHANGA AWAKAHULAWA MO BIBLIA

Eripipa busana nʼerilama

Busana nʼomwĩmbĩrĩrĩ mukulu. Olwimbo lwa Dawĩdĩ.

¹ Uwe Mwami Mukulu, omwami akatsema, kusangwa wamuha maka, Kandi akatsema kutsibu omwʼĩlamya lyawe.

² Wabirimuha ekyo abya anzĩre, Wabĩrĩsũbĩrya erisaba liwe.

³ Wabĩrĩmũkokya nʼeritsumula lyʼemyatsi yowene, Wabĩrĩhĩra embĩta yʼesyamagetsi esĩtũkwĩre oko mutwe wuwe.

⁴ Akũbũlaya engebe, nawe mowamuhayo, Engebe yʼebiro bingi busana na kera na kera.

⁵ Olukengerwa luwe ni lunene busana nʼerĩlamya lyawe, Wabirimuha erĩsĩkya nʼobukulu.

⁶ Wabirimutsumula kera na kera, Obũsũ bwawe bũkamũtsemesaya nʼerĩmũtsangamũkya.

⁷ Omwami akayiketera Omwami Mukulu; Kandi busana nʼobubuya bʼolwanzo bwʼOwendata Kutsibu, omwami asyatabala.

⁸ Wasyahamba esyonzĩgũ syawe syosĩ, Wasyalĩmbũsya abosĩ abakakũkwa obusu.

⁹ Ekiro wasyahuluka omwʼihitana lyawe wasyaheryabo ngʼerĩsĩngo, Omwami Mukulu omwʼihitana liwe asyabugabo, Nʼomuliro asyalyabo.

¹⁰ Omwami asyĩta abana babo, Kandi asyĩta abitsikulu babo omo katĩkatĩ kʼabandu.

¹¹ Mobayĩsũnza erikukola nabi, nʼeriya embĩta, Mobaganĩrya amenge ago batatoka erikola. Nĩkwa sibendisyatoka.

¹² Asyalasirabo emisoha yiwe, Asyaleka ibabinduka nʼeritibita.

¹³ Uwe Mwami Mukulu, ũhamĩbawe omo maka wawe; Twasyimba nʼeripipa Obũtokĩ bwawe.