Esyonyimbo 20 - AMASAKO ABOYTRTRE WA NYAMUHANGA AWAKAHULAWA MO BIBLIAErisaba busana nʼerĩkĩnda enzĩgũ Busana nʼomwĩmbĩrĩrĩ mukulu. Olwimbo lwa Dawĩdĩ. 1 Omwami Mukulu akũsũbĩraye omo kiro kyʼobũlĩge! Nyamuhanga wa Yakobo akuhanganire! 2 Akutumire erĩwatĩkya erĩkalũa omo Hekalũ yiwe, Nʼerikuha amaka awakalũa eSĩonĩ! 3 Kandi ibuke amahere wawe gosĩ, Alĩge amahere wawe wʼerĩokererya. 4 Akuhe erisonda lyʼomutima wawe, Nʼerĩberererya erĩyĩsũnza lyawe lyosĩ! 5 Netu twasyatsemera erilama lyawe, Nʼeritsanga omwʼĩkĩnda lyawe itukapipa Nyamuhanga wetu. Omwami Mukulu aberereraye erisaba lyawe lyosĩ. 6 Lino nyĩnasĩ Omwami Mukulu kwʼakakĩndĩsaya omwami wuwe, oyo ayisoga, Akamũsũbĩraya omo lubula luwe lũbũyĩrĩre, Omo maka wʼerĩlamya wʼebyala biwe byʼamali. 7 Abandi bakayiketera esyogalĩ syabo syʼamalwa, Nʼabandi bakayiketera esyosabayĩrĩ; Nĩkwa ĩtwe tukayiketera erĩna lyʼOmwami Mukulu Nyamuhanga wetu. 8 Ibo bakũnama, eritogera ahisi, Nĩkwa ĩtwe twasyahangana, nʼeriimana ndeke! 9 Uwe Mwami Mukulu, ũkĩndĩsaye Omwami; Ũtũsũbĩraye omugulu tukakulakira! |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo