Esyonyimbo 16 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba lyʼeriyiketera Nyamuhanga

Amenge wa Dawĩdĩ.

¹ Unyihanganire, uwe Nyamuhanga, kusangwa ngakusagirako.

² Ĩngye ngabwira Omwami Mukulu, nyiti, Uli Mwami Mukulu wage; Ebibuya byosĩ ebyo ngwite bĩkalũa ukʼuwe.

³ Abandu ba Nyamuhanga abateregula ni bandu babuya! Ngatsemerabo kutsibu.

⁴ Abakakwama esindi nyamuhanga bakayiretera amalĩge mangi, Sindiendisyasangira omo mahere wabo wʼomusasi, Kandi sĩndĩendĩsyaramya esyonyamuhanga syabo.

⁵ Omwami Mukulu, uwe uli buteke bwage, Kandi ukamba ebinyitolere; ukanyihanganira.

⁶ Esyonzũnzo syawe busana nage ni syʼeriswekera, Ega, ukamba ebibuya kũndũ.

⁷ Ngapipa Omwami Mukulu, oyukanyihana, Ega, omo kiro ngiga amenge omo mutima wage.

⁸ Ngahĩra Omwami Mukulu embere syage oko migulu yosĩ; Kusangwa ali oko byala byage byʼamali sĩndĩendĩsyatũndwa.

⁹ Neryo omutima wage mwatsema, nʼekĩrĩmũ kyage kikatsanga Kandi omubiri wage asyabya nʼobuholo.

¹⁰ Kusangwa sĩwendĩsyasĩga ekĩrĩmũ kyage omo Kũlĩmũ, Kandi siwendisyaleka Omũbũyĩrĩre wawe akalola okwʼihonda.

¹¹ Wasyanyĩkangya enzira yʼengebe, Embere syʼobũsũ bwawe hali obutseme oboswĩre, Kandi hakũhĩ nawe hali ebitsange bya kera na hera.