Esyonyimbo 149 - AMASAKO ABOYTRTRE WA NYAMUHANGA AWAKAHULAWA MO BIBLIA

Olwimbo lwʼeripipa

¹ Mupipe Omwami Mukulu! Mwimbire Omwami Mukulu yʼolwimbo luhya-luhya; Mumupipe omwʼĩhĩndana lyʼabandu buwe abateregula!

² Uwe Ĩsraelĩ, utseme, busana nʼmũhangĩkĩ wawe; Ĩnywe bandu bʼeSĩonĩ, mutseme, busana nʼomwami wenyũ!

³ Mupipe erĩna liwe omwʼisata; Muwate esyongoma nʼesyonanga nʼerimupipa.

⁴ Omwami Mukulu akatsemera abandu buwe; Akakenga abakayĩkehaya erihabo erĩsĩngana.

⁵ Abandu ba Nyamuhanga batseme omwʼĩsĩngana lyabo, Bimbe nʼobutseme omo biro bikulu byabo.

⁶ Basumbe emirenge bakapipa Nyamuhanga, Ibanawite emĩyalĩ ĩtwĩre omo byala byabo, Erĩkĩnda ebihanda,

⁷ Nʼerisuyira abandu;

⁸ Eriboha abami babo omo mahulula, Nʼeriboha abasondolĩ babo omo mahulula wʼebyuma;

⁹ Erisuyira ebihanda ngoko Nyamuhanga ahana. Erĩ nĩ ʼsĩngana lyʼabandu ba Nyamuhanga! Mupipe Omwami Mukulu!