Esyonyimbo 146 - AMASAKO ABOYTRTRE WA NYAMUHANGA AWAKAHULAWA MO BIBLIA

Eripipa Nyamuhanga Omũlamya

¹ Mupipe Omwami Mukulu! Uwe mutima wage, upipe Omwami Mukulu!

² Omugulu gosĩ nyiriho nasyapipa Omwami Mukulu; Nasyimbira Nyamuhanga wage omugulu gosĩ nyiriho.

³ Simuyiketere abasondolĩ bʼekihugo, Kutse ogundi oyutetoka erĩbalamya.

⁴ Omugulu bakahola bakasuba oko kitaka; Oko kiro ekyo erĩyĩsũnza lyabo lyosĩ likahwa.

⁵ Obutseme buli nʼomundu oyuwite Nyamuhanga wa Yakobo erĩmũwatĩkya, Oyukayiketera Omwami Mukulu Nyamuhanga wuwe,

⁶ Oyo wahangika olubula, ekihugo, nʼengetsi, nʼebyosĩ ebirimo, Oyũkaberereraya esyondagane siwe ebiro byosĩ.

⁷ Oyukatswera nʼerĩowanĩa abakanũbĩbawa, Oyukaha akalyo oko bakawira. Omwami Mukulu akabohola abʼomũlĩkĩ,

⁸ Omwami Mukulu akaha erilangira oko syondĩma-time. Omwami Mukulu akasumba abosĩ abakakehĩbawa; Omwami Mukulu anzĩre abandu buwe abatunganene.

⁹ Omwami Mukulu akahanganira ababunga abĩkere omo kihugo; Akawatĩkaya abakwakalĩ nʼesyongũbĩ, Nĩkwa akalĩba-lĩbanaya erĩyĩsũnza lyʼababi.

¹⁰ Omwami Mukulu asyabya Mwami kera na kera! Nyamuhanga wawe, uwe Sĩonĩ, asyatabala ebiro byosĩ oko ndengo syosĩ. Mupipe Omwami Mukulu!