Esyonyimbo 144 - AMASAKO ABOYTRTRE WA NYAMUHANGA AWAKAHULAWA MO BIBLIA

Omwami akaha Nyamuhanga ewasĩngya nʼerĩsĩngana

Olwimbo lwa Dawĩdĩ.

¹ Muhe ewasĩngya oko Mwami Mukulu, Omũhanganĩrĩ wage; Akanyĩgĩsaya erilwa, Akanyĩtegekanaya busana nʼamalwa.

² Iye nĩ mũhanganĩrĩ wage, nʼomwĩmĩrĩ wage, Ahʼerisagira hage nʼomũlamya wage, Ngayiketera ye busana nʼobuholo; Akakĩnda ebihanda eyĩkwa kwĩngye.

³ Uwe Mwami Mukulu, ko mundu nĩkĩ uti ukamulolako kwehĩ? Kutse omundu buyira nindi, uti ukamusamalira kwehĩ?

⁴ Omundu ali ngʼakuka kʼerihunga; Ebiro biwe biri ngʼekyũtsũtsũ ekikalaba.

⁵ Uwe Mwami Mukulu, ũhĩgũkalaye ekyanya, ũkĩme; Ũtũle oko bitwa, nabyo byasyatũmba.

⁶ Utume erĩpalya, upanza-panze esyonzĩgũ syawe; Ulase emisoha yawe, upanzapanzesyo!

⁷ Wandagalaye ebyala byawe, Unyisabule omo magetsi awali hali, ũnyĩlamaye; Ũnyĩlamaye oko maka wʼabandu bʼehandi,

⁸ Abatekanaya omwatsi go kwenene, Abakabiha ĩbamabĩlahĩrya erĩbũga kwenene.

⁹ Uwe Nyamuhanga, nasyakwimbira Olwimbo luhya-luhya; Nasyawata enzenze nʼerikwimbira.

¹⁰ Uwe ukaleka abami ĩbasĩngana, Ũkalamaya omugombe wawe Dawĩdĩ.

¹¹ Ũnyĩlamaye oko nzĩgũ syage esĩkalĩre, Ũnyĩlamaye oko maka wʼabandu bʼehandi, Abatekanaya omwatsi wʼekwenene, Kandi bakabiha ĩbamabĩlahĩrya erĩbũga ekwenene.

¹² Abagala abo tukabuta babye omo busuko bwabo ngʼemyaka eyikabogaboga, Nʼabana-bato abo tukabuta babye ngʼesyondũyĩ omo kikali.

¹³ Esyombĩso syetu syũsũle nʼemihanda yosĩ yʼakalyo; Nʼesyombũlĩ omo malĩsĩryo wetu, sibute ehyana elfu ĩkũmĩ!

¹⁴ Nʼesyonde syetu sibute ndeke butsira erĩkwĩsya kutse erihola. Sihabye erilaka lyʼobũlĩge omo nzira syetu!

¹⁵ Ekihanda ni kyʼobutseme ekiri kitya; Obutseme buli oko kihanda ekiwite Omwami Mukulu mo Nyamuhanga wabo!