Esyonyimbo 142 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba busana nʼerĩwatĩkĩbwa

Olwimbo lwa Dawĩdĩ omugulu abya omo mwangalũ. Erisaba.

¹ Ngalakira Omwami Mukulu busana nʼerĩwatĩkĩbwa; Ngalemba-lemba Omwami Mukulu.

² Ngamuletera amalĩge wage gosĩ; Ngamubwira amalĩge wage gosĩ.

³ Omugulu ngasonda eriluha, Ũnasĩ ekyo nangakola. Omo nzira eyo ngalabamo Esyonzĩgũ syage syabĩrĩbĩsa ekitego busana nage.

⁴ Ngatungerera hakũhĩ nage, ngalangira Sihali mundu wʼerĩnyĩwatĩkya; Isihali mundu wʼerinyihanganira; Sihali oyukanyitsomana.

⁵ Uwe Mwami Mukulu, ngakulakira busana nʼerĩwatĩkĩbwa; Nyiti, Uwe, uli mũhanganĩrĩ wage; Uwe nyanzĩre musa omo ngebe yʼeno.

⁶ Uhulikirire erilaka lyage busana nʼerĩwatĩkĩbwa, Kusangwa namasenda omo bũlĩge. Ũnyĩlamaye oko nzĩgũ syage, Sĩnyĩrengĩrye amaka.

⁷ Ũnyĩlamaye oko bũlĩge bwage; Neryo nasyakupipa omwʼĩhĩndana lyʼabandu bawe, Kusangwa wabirinyikola kibuya.