Esyonyimbo 140 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba busana nʼeriremberwa

Busana nʼomwĩmbĩrĩrĩ mukulu. Olwimbo lwa Dawĩdĩ.

¹ Uwe, ũnyĩlamaye oko bandu babi; Unyibike buholo busana nʼabandu bʼomwaga,

² Abakaya embĩta yʼebibi emigulu yosĩ, Bakayĩrwanaya emigulu yosĩ,

³ Esyondimi syabo siri ngʼesyonzoka esĩkĩta, Ebĩnywa byabo biri ngʼobuti bwʼenzoka eyikahulawa mo fĩra.

⁴ Uwe Mwami Mukulu, unyihanganire busana nʼamaka wʼababi; Unyibike buholo busana nʼabandu bʼomwaga, Abakaya embĩta yʼerĩnyĩtoya.

⁵ Abandu abakayiheka babĩrĩhĩra ekitego busana nage; Babirisanza obutaha-taha bwʼemikoba, Kandi babirinyitega ebiryata hakũhĩ nʼenzira.

⁶ Ngabwira Omwami Mukulu nyiti, Uli Nyamuhanga wage; Uwe Mwami Mukulu wowe erilaka lyage busana nʼerĩwatĩkĩbwa!

⁷ Uwe Mwami Mukulu, Nyamuhanga wage, Omũlamya wage wʼamaka, Wabirinyihanganira omo malwa.

⁸ Uwe Mwami Mukulu, suhe abakakola nabi ebyo bakasonda; Suleke esyombĩta syabo nyibi sikatokekana!

⁹ Suleke abakanyĩtĩmbako bakasĩngana; Uleke erĩohererya lyabo ĩryaswahĩka kubo.

¹⁰ Amakala awakalĩre atogere kubo; Bagusawe omo buhya nʼerĩtĩndaswalũamo.

¹¹ Kandi abakalega abandi sibatoke; Ekibi kĩhĩke oko mundu wʼomwaga nʼerĩmũtogotya.

¹² Nyĩnasĩ Omwami Mukulu kwʼakahanganira omwatsi wʼabera, Kandi akimira erĩbanza lyʼomundu wʼobwaga.

¹³ Oyutunganene asyakupipa kwenene; Basyasiba embere syawe.