Esyonyimbo 138 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba lyʼeriha ewasĩngya

Olwimbo lwa Dawĩdĩ.

¹ Ngakuha ewasĩngya, uwe Mwami Mukulu, nʼomutima wage gosĩ; Nasyakwimbira eripipa embere syʼesyonyamuhanga.

² Ngũnama embere syʼeHekalũ yawe ĩbũyĩrĩre, Nʼeripipa erĩna lyawe busana nʼolwanzo lwawe olutyusa nʼeritindalegula lyawe, Kusangwa wabĩrĩkangya ngoko uwe nʼerihana lyawe bĩrengĩre ebyosĩ.

³ Mowanyĩsũbĩrya ekiro nakulakira; Omo kagala kawe mowamba amaka.

⁴ Uwe Omwami Mukulu, abami bosĩ bʼekihugo basyakupipa, Kusangwa babĩrĩowa erilaga lyawe.

⁵ Basyimba busana nʼebyo Mwami Mukulu abirikola, Basyimba kusangwa olukengerwa lwʼOmwami Mukulu ni lunene,

⁶ Omwami Mukulu, nomo angabya endata kutsibu atya, Akalembera abolo, Nʼabakayiheka sibangamũbĩsama.

⁷ Nomo amalĩge anganyĩtĩmbako, wasyanyibika buholo; Ukabambira esyonzĩgũ syage esikahitana, Wasyanyĩlamya omo bũtokĩ bwawe.

⁸ Wasyakola ebyosĩ ebyo wanyilaga, uwe Mwami Mukulu; Uwe Mwami Mukulu, olwanzo lwawe silulyusa kera na kera. Ubuge omũbĩrĩ ogo wabĩrĩtsũka.