Esyonyimbo 136 - AMASAKO ABOYTRTRE WA NYAMUHANGA AWAKAHULAWA MO BIBLIA

Olwimbo lwʼeriha ewasĩngya

¹ Muhe Omwami Mukulu yʼewasĩngya, kusangwa ni mubuya, Nʼolwanzo luwe olutyusa lukakota.

² Muhe ewasĩngya oko yũlengĩre esyonyamuhanga syosĩ; Olwanzo luwe olutyusa lukakota.

³ Muhe ewasĩngya oko yũlengĩre abakama bosĩ omo maka; Olwanzo luwe olutyusa lukakota.

⁴ Iye ĩyowene akakola ebitiko-tiko binene-binene; Olwanzo luwe olutyusa lukakota.

⁵ Omo menge wuwe mwahangika olubula; Olwanzo luwe olutyusa lukakota.

⁶ Mwahĩmba ekihugo endata wʼamagetsi mali-mali; Olwanzo luwe olutyusa lukakota;

⁷ Mwahangika eryuba nʼomukera; Olwanzo luwe olutyusa lukakota.

⁸ Eryuba eritabala oko musibo; Olwanzo luwe olutyusa lukakota.

⁹ Omukera nʼesyongũnũnũ eritabalira ekiro; Olwanzo luwe olutyusa lukakota.

¹⁰ Mwĩta ehimbere hyʼabagala bʼAbanya Mĩsĩrĩ; Olwanzo luwe olutyusa lukakota.

¹¹ Mwasondola abandu ba Ĩsraelĩ erĩlũa eMĩsĩrĩ; Olwanzo luwe olutyusa lukakota,

¹² Omo byala biwe byʼamaka, nʼokuboko kuwe kwʼobũtokĩ; Olwanzo luwe olutyusa lukakota.

¹³ Mwagaba Engetsi yʼEngula yo kabiri; Olwanzo luwe olutyusa lukakota.

¹⁴ Mwasondola abandu buwe erilaba muyo; Olwanzo luwe olutyusa lukakota.

¹⁵ Mwasendya Farao nʼemilondo yiwe omo Ngetsi yʼEngula; Olwanzo luwe olutyusa lukakota.

¹⁶ Mwasondola abandu buwe omo mbwarara Olwanzo luwe olutyusa lukakota;

¹⁷ Mwĩta abami bʼamaka; Olwanzo luwe olutyusa lukakota.

¹⁸ Mwĩta abami abakũmayĩre; Olwanzo luwe olutyusa lukakota.

¹⁹ Sĩhonĩ, omwami wʼAbaamorĩ; Olwanzo luwe olutyusa lukakota.

²⁰ Na Ogĩ, omwami wʼeBasanĩ; Olwanzo luwe olutyusa lukakota.

²¹ Mwaha ebihugo byabo oko bandu buwe; Olwanzo luwe olutyusa lukakota.

²² Mwahakyo uku Ĩsraelĩ, omugombe wuwe; Olwanzo luwe olutyusa lukakota.

²³ Mwatatwibirirwa omugulu twakĩndawa; Olwanzo luwe olutyusa lukakota.

²⁴ Mwatubohola oko nzĩgũ syetu; Olwanzo luwe olutyusa lukakota.

²⁵ Akaha akalyo oko bandu bosĩ nʼoko syonyama; Olwanzo luwe olutyusa lukakota.

²⁶ Muhe ewasĩngya uku Nyamuhanga wʼelubula; Olwanzo luwe olutyusa lukakota.