Esyonyimbo 132 - AMASAKO ABOYTRTRE WA NYAMUHANGA AWAKAHULAWA MO BIBLIA

Eripipa busana nʼahabũyĩrĩre

Olwimbo lwʼerihetukira ahabũyĩrĩre.

¹ Uwe Mwami Mukulu, Siwibirirawe Dawĩdĩ, Nʼomũbĩrĩ gosĩ akola.

² Wibuke, uwe Mwami Mukulu ebyo alaga, Ngoko akũlahĩrĩraya uwe Nyamuhanga Omũtokĩ wa Ĩsraelĩ ati,

³ Sindiendiya, eka, kutse erisambira oko ngyingo yage;

⁴ Sindiendiluhuka kutse eriyato,

⁵ Ndetabana mwanya busana nʼOmwami Mukulu, Nʼahʼerĩĩkala busana na Nyamuhanga Omũtokĩ wa Ĩsraelĩ.

⁶ Motowa omwatsi wʼerĩsandũkũ lyʼerilagana eBetelehemũ, Motwabanalyo omo kihugo kyʼeYearĩmũ.

⁷ Motwabũga tuti, Tugende omo nyũmba yʼOmwami Mukulu; Tũramaye embere wʼekĩtũmbĩ kiwe kyʼobwami!

⁸ Wase oko mwanya wawe wʼeriluhuka, uwe Mwami Mukulu, Haguma nʼerĩsandũkũ lyʼerilagana, Nĩ mũsyo wʼobũtokĩ bwawe.

⁹ Abahererĩ bawe bakole ebitunganene ebiro byosĩ, Nʼabandu bawe babũgaye obogo bʼobutseme!

¹⁰ Busana nʼomugombe wawe Dawĩdĩ; Sugane omwami wawe oyo wayisoga!

¹¹ Omwami Mukulu mowalaga endagane ĩbũyĩrĩre oko mugombe wawe Dawĩdĩ, Kandi sĩwendĩsyatwayo, uti, Nasyahĩra omundu muguma wʼoko lubuto lwawe eribya mwami, Naye asyatabala enyũma wawe.

¹² Abagala bawe bamakwama endagane yage, Nʼerikwama ebihano ngahanabo, Abana babo nibya, basyakukwama ngʼabami ebiro byosĩ.

¹³ Omwami Mukulu abiriyisoga eSĩonĩ; Anzĩre erĩhĩra enyũmba yiwe eyo.

¹⁴ Ati, Hano ho nasyĩkala kera na kera; Hano ho nyanzĩre eritabala.

¹⁵ Nasyabanira eSĩonĩ ebyosĩ ebyo ali nabyo bwaga; Nasyũgũtya abera buwe nʼakalyo.

¹⁶ Nasyaleka abahererĩ buwe ibambagula bati, Ngalamaya, Nʼabandu buwe basyimba nʼerĩbũgya obogo bʼobutseme.

¹⁷ Hano ho nasyahĩra omwana muguma wa Dawĩdĩ mo mwami munene; Hano, ho nasyateya obutabale bʼomwami wage nayisoga.

¹⁸ Esyonzĩgũ siwe nasyambalyasyo esĩsonĩ, Nĩkwa obwami buwe bwasyagasa nʼerĩowana.