Esyonyimbo 130 - AMASAKO ABOYTRTRE WA NYAMUHANGA AWAKAHULAWA MO BIBLIAErisaba erĩwatĩkĩbwa Olwimbo lwʼerihetukira ahabũyĩrĩre. 1 Omugulu nganogokala, ngakulakira uwe Mwami Mukulu. 2 Uwe Mukama wowe erilaka lyage, Uhulikirire erilaka lyage busana nʼerĩwatĩkya! 3 Wamaganza ebibi byetu, Omwami Mukulu, Nindi wangatoka erĩsĩngana kwehĩ Mukama? 4 Nĩkwa uwe ukatubuyira, Itwatoka erikubaha. 5 Ngalinda kutsibu erĩwatĩkya lyʼOmwami Mukulu, Kandi ngayiketera ekĩnywa kiwe. 6 Ngalinda Omukama yo kutsibu, Kwilaba omũteya oyukalinda omusakala, Ega, kwilaba omũteya oyukalinda omusakala. 7 Uwe Ĩsraelĩ, Uyiketere Omwami Mukulu, Kusangwa olwanzo lwʼOmwami Mukulu silulyusa, Kandi anzĩre emigulu yosĩ erĩtongolya. 8 Asyatongolya abandu buwe Abaĩsraelĩ, Kwʼebibi byabo byosĩ. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo