Esyonyimbo 127 - AMASAKO ABOYTRTRE WA NYAMUHANGA AWAKAHULAWA MO BIBLIAEripipa obubuya bwa Nyamuhanga Olwimbo lwʼerihetukira ahabũyĩrĩre. Olwimbo lwa Solomono. 1 Omwami Mukulu amatindahĩmba enyũmba, Omũbĩrĩ wʼabahĩmbĩ ini buyira; Omwami Mukulu amatendateya omũyĩ. Abateya ibakakũbĩrato busa. 2 Ni buyira erikola kutsibu busana nʼeriyikumbirira, Eritsinduka nʼeriswagotsera omo kiro, Kusangwa Omwami Mukulu akahũlũkaya abo anzĩre. 3 Abana nĩ lũsũnzo olũkalũa oko Mwami Mukulu; Abana nĩ mũyĩsa kũndũ. 4 Abagala bʼomundu omugulu bakine balere, Bali ngʼemisoha omo byala byʼomũsĩrĩkanĩ. 5 Obutseme buli nʼomundu oyuwite emisoha mingi ngʼeyĩ! Sĩendĩsyakĩndwa na kera, Omugulu akahĩndana nʼesyonzĩgũ siwe aho bakatswera olubanza. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo