Esyonyimbo 12 - AMASAKO ABOYTRTRE WA NYAMUHANGA AWAKAHULAWA MO BIBLIAErisabira erĩwatĩkĩbwa Busana nʼomwĩmbĩrĩrĩ mukulu. Omo nanga. Olwimbo lwa Dawĩdĩ. 1 Omwami Mukulu, ũnyĩwatĩkaye! Abandu abakakenga Nyamuhanga bakahwa, Kusangwa abateregula bakabula omo katĩkatĩ kʼabandu. 2 Obuli mundu akabũga amabehĩ na mũlĩkyabo; Bakabũga ekĩsehya nʼomo bũgobya. 3 Omwami Mukulu, asyabonderya emĩnywa yosĩ eyĩkabũga ekĩsehya, Asyabonderya olulimi olukayihalamba. 4 Bakabũga bati, Twasyasĩngana omo lulimi lwetu, Emĩnywa yetu ni yetu, Nindi akatutabalako kwehĩ? 5 Omwami Mukulu ati, Lino ngandĩhĩka, Kusangwa abʼobwaga bakanũbĩbawa, Nʼabakendererĩbawa bakasĩmba eriagalwa. Nasyahabo Obuholo obo bakasonda! 6 Ebĩnywa byʼOmwami Mukulu, nĩ bĩnywa bibuya, Ni bibuya ngʼebĩtsĩpa ebyabirilaba omo lũhĩtsa ebĩtũkwĩre ngendo sirinda. 7 Uwe Mwami Mukulu, utulembere buholo, Ũtũtegaye oko bandu abo. 8 Abandu babi bali ehosĩ, Nʼabandu bosĩ bakapipa ebibi. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo