Esyonyimbo 118 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba lyʼewasĩngya busana nʼerĩsĩngana

¹ Muhe Omwami Mukulu yʼewasingya, kusangwa ni mubuya, Nʼolwanzo luwe ni lwʼerikota.

² Abandu ba Ĩsraelĩ babũge bati, Olwanzo luwe ni lwʼerikota.

³ Abahererĩ ba Nyamuhanga babũge bati, Olwanzo luwe ni lwʼerikota.

⁴ Abosĩ abakubaha Omwami Mukulu babũge bati, Olwanzo luwe ni lwʼerikota.

⁵ Omo bũlĩge bwage monalakira Omwami Mukulu; Naye mwanyĩsũbĩrya, mwanyibohola.

⁶ Omwami Mukulu ali haguma nage, sindiendisyubaha; Kwʼabandu basyanyikolakĩ kwehĩ?

⁷ Ni Mwami Mukulu yũkanyĩwatĩkaya. Nasyalangira esyonzĩgũ syage sĩkasĩngwa.

⁸ Lyowene eriyiketera Omwami Mukulu, Kwilaba eriyiketera abandu.

⁹ Lyowene eriyiketera Omwami Mukulu, Kwilaba eriyiketera abanya-mwami.

¹⁰ Esyonzĩgũ syabya sĩkanyĩtĩmbako; Omo bũtokĩ bwʼomwami Mukulu monatogotyabo!

¹¹ Mobanyĩtĩmbako oko mbande syosĩ; Omo bũtokĩ bwʼomwami Mukulu monatogotyabo.

¹² Mosyanyĩtĩmbako ngʼesyonzuki; Mobalĩma lũba ngʼomuliro wʼomo kisaka; Omo bũtokĩ bwʼomwami Mukulu monatogotyabo.

¹³ Mobanyibambira kutsibu, nabya ngasonda erĩsĩngwa, Nĩkwa Omwami Mukulu mwanyĩwatĩkya.

¹⁴ Omwami Mukulu akaleka inabana Obũtokĩ nʼeribya nʼamaka; Iye nĩ Mũlamya wage!

¹⁵ Mowe emirenge yʼobutseme yʼerĩsĩngana Omo mahema wʼabandu ba Nyamuhanga; Obũtokĩ bwʼamaka bwʼomwami Mukulu bwabirikolakyo!

¹⁶ Obũtokĩ bwʼomwami Mukulu bwabirituletera erĩsĩngana, Obũtokĩ bwʼomwami Mukulu bwʼamaka bukakola ebitsibu.

¹⁷ Sindiendisyahola, nĩkwa nasyabyaho, Nʼerĩkanĩa ebyo Mwami Mukulu abirikola.

¹⁸ Abirinyisuyira kutsibu, Nĩkwa sialitaleka ngahola.

¹⁹ Munyikingulire esyongyo syʼeHekalũ; Nasyingiramo nʼeripipa Omwami Mukulu!

²⁰ Olũ nĩ lũkyo lwʼOmwami Mukulu; Abatunganene basa bakatoka eriingiramo!

²¹ Ngakupipa, uwe Mwami Mukulu, kusangwa wabĩrĩnyowa, Kusangwa wabĩrĩnyĩsĩnganĩsya!

²² Erĩbwe eryo abahĩmba babana nga buyira, Lyabiribya erĩbwe ryʼesondo erĩkatũngananaya enyũmba.

²³ Omwami Mukulu mwakola ekĩ; Nakyo ni kyʼeriswekera ndeke omo meso wetu.

²⁴ Omwami Mukulu abirituha ekiro kyʼeriswekera kingaha! Tutseme, tũyĩsyandire mukyo!

²⁵ Ũtũlamaye, uwe Mwami Mukulu, ũtũlamaye! Uwe Mwami Mukulu, utuhe omugaso!

²⁶ Nyamuhanga atsumule oyukasa omo lĩna lyʼOmwami Mukulu! Omo Hekalũ yʼOmwami Mukulu tukabatsumula!

²⁷ Omwami Mukulu ni Nyamuhanga; abiritukola ndeke. Haguma nʼemitahi omo byala byenyũ mũtsũke olugendo lwʼerĩtĩmba oko kiherero.

²⁸ Uli Nyamuhanga wage, ngakuha ewasĩngya; Nasyambagula obukulu bwawe.

²⁹ Muhe ewasĩngya oko Mwami Mukulu, kusangwa ni mubuya, Nʼolwanzo luwe ni lwʼebiro byosĩ nʼerikota.