Esyonyimbo 114 - AMASAKO ABOYTRTRE WA NYAMUHANGA AWAKAHULAWA MO BIBLIA

Olwimbo lwʼekiro kikulu kyʼErikiruka

¹ Omugulu Abaĩsraelĩ balũa eMĩsĩrĩ, Omugulu abana ba Yakobo balũa omo kihugo ekyo kyʼehali,

² Yũda mobabya bandu babũyĩrĩre bʼOmwami Mukulu, Ĩsraelĩ mwabya erĩsĩgalya liwe.

³ Engetsi yʼEngula moyalangirakyo moyatibita, Olũsĩ lwʼeYorodanĩ molwaleka erisenda lyalo.

⁴ Ebitwa mobyayitsangura ngʼesyombene, Nʼehitwa mohyayitsangura ngʼesyombũlĩ.

⁵ Uwe Ngetsi, wakwakĩ ukatibita kwehĩ? Nawe Yorodanĩ, mowaleka erisenda busana nakĩ kwehĩ?

⁶ Ĩnywe bitwa, momwayitsangura ngʼesyombene busana nakĩ kwehĩ? Nʼĩnywe hitwa, momwayitsangura ngʼesyombũlĩ busana nakĩ kwehĩ?

⁷ Uwe kihugo, utitimane okwʼĩhĩka lyʼOmwami Mukulu, Embere sya Nyamuhanga wa Yakobo,

⁸ Oyo wabindula amabwe eribya bitsinga byʼamagetsi, Oyo wabindula olukuka mwʼĩsoko esikasenda mwʼamagetsi.