Esyonyimbo 112 - AMASAKO ABOYTRTRE WA NYAMUHANGA AWAKAHULAWA MO BIBLIA

Obutseme bwʼomundu mubuya

¹ Mupipe Omwami Mukulu! Obutseme buli oko mundu oyukubaha Omwami Mukulu, Oyukatsema erikenga amahano wuwe.

² Abana buwe basyabya mbangĩ omo kihugo; Abana bʼomundu mubuya basyatsumulwa.

³ Ekĩtũnga kiwe kyasyabya kyʼobuteke nʼebindu. Kandi asyagasa kera na kera.

⁴ Busana nʼabandu babuya ekyakakala kĩkakoleraya omo mwĩrĩmya, Kandi busana nʼababuya, nʼabʼeriganyira, nʼabʼerĩbanza litunganene.

⁵ Obutseme buli oko mundu oyukabweka abandi nʼobwenge, Oyukasondola omũbĩrĩ wuwe isialiteba.

⁶ Omundu gowene sĩendĩsyaherya na kera; Siendisyibiriranwa na kera.

⁷ Sialiubaha erĩowa engulu nyibi; Erĩkĩrĩrya liwe liri nʼamaka, akayiketera Omwami Mukulu.

⁸ Sĩalĩhanga-hangaya omutima, sialiubaha; Anasĩ kwʼesyonzĩgũ siwe syasyagondĩbwa, ĩnĩanalanglre.

⁹ Akahĩtaya ndeke oko bandu bʼobwaga, Kandi obwenge buwe ni bwʼerikota; Asyabya wʼobũtokĩ nʼerikengwa.

¹⁰ Ababi bakalangira ekĩ ibabya nʼobũlĩge; Bakakala omwʼihitana, ibabulirayo; Amaha wabo akahwa kera na kera.