Esyonyimbo 110 - AMASAKO ABOYTRTRE WA NYAMUHANGA AWAKAHULAWA MO BIBLIAOmwami Mukulu nʼomwami wuwe, oyo ayisoga Olwimbo lwa Dawĩdĩ. 1 Omwami Mukulu mwabwira omukama wage ati, Wĩkale oko luhande lwage lwʼamali, Erĩhĩka aho nasyahĩrĩra esyonzĩgũ syawe omo kĩtũmbĩ kyʼebisando byawe. 2 Erĩlũa eSĩonĩ, Omwami Mukulu asyalabya Obũtokĩ bwawe bwʼobwami. Ati, Utabale oko nzĩgũ syawe. 3 Abandu bawe basyayiha ukʼuwe ekiro wasyalwa nʼesyonzĩgũ syawe. Oko bitwa bĩbũyĩrĩre, ngʼekimi kyʼengyakya-ngyakya, Abalwana bawe basyakũhĩkako. 4 Omwami Mukulu mwalahĩrya, isiendisyabinduka ati, Uli mũhererĩ kera na kera, Ngʼomuhanda wʼobũhererĩ bwa Melkĩsedekĩ. 5 Omukama ali oko luhande lwawe lwʼamali; Asyakĩnda abami ekiro asyahitana. 6 Asyatswera ebihanda, Asyũsũlya ekibuga kyʼamalwa omo bĩnda; Asyakĩnda abami omo kihugo kyosĩ. 7 Omwami asyapũlya oko lũsĩ oko mũsĩke wʼenzira, Asyabana amaka, nʼerihangana ĩnĩabĩrĩkĩnda. |
Bible in Kinandi © Bible Society of the Democratic Republic of Congo, and Bible Society of Uganda, 1980.
Bible Society of the Democratic Republic of Congo