Esyonyimbo 108 - AMASAKO ABOYTRTRE WA NYAMUHANGA AWAKAHULAWA MO BIBLIA

Erisaba busana nʼerĩwatĩkĩbwa oko syonzĩgũ

Olwimbo lwa Dawĩdĩ.

¹ Nyĩsĩkĩre, uwe Nyamuhanga, nyĩsĩkĩre ndeke! Ngandikwimbira esyonyimbo nʼerikupipa! Omutima wage, ubuke!

² Ubuke enanga yage, nʼenzenze! Ngandĩbũkya eryuba!

³ Uwe Mwami Mukulu, ngandikuha ewasĩngya omo katĩkatĩ kʼebihanda! Ngandikupipa omo katĩkatĩ kʼabandu!

⁴ Olwanzo lwawe olutyusa lũkahĩka elubula, Eritindalegula lyawe lĩkahĩka omo kyanya.

⁵ Uhame, uwe Nyamuhanga, endata oko kyanya, Nʼolukengerwa lwawe lũkoleraye omo kihugo kyosĩ!

⁶ Ũtũlamaye omo maka wawe; ũsũbĩraye erisaba lyage, Neryo abandu abo wanzĩre balamĩbawe.

⁷ Nyamuhanga abĩrĩbũga omo habũyĩrĩre huwe, ati, Nasyagaba eSekemũ omwʼĩkĩndakyo, Nasyahĩtya omusya wʼeSũkotĩ oko bandu bage.

⁸ Gĩleadĩ ni wage, na Manase nibya; Efũraĩmũ nĩ ngofĩa yage, Yũda nĩ mũtso wage wʼobwami.

⁹ Nĩkwa nasyayira Moabũ mo kibindi kyage kyʼerinabiramo, Edomũ nĩ kasandũkũ kage kʼengendero. Nasyasumba omulenge erĩkĩnda Fĩlĩstĩa.

¹⁰ Nindi wasyanyitwala omo mũyĩ owa­kongotere kwehĩ? Nindi wasyanyĩkolya omo Edomũ kwehĩ?

¹¹ Uwe Nyamuhanga wabiritugana kwenene kwehĩ? Uwe Nyamuhanga siwendisyahongoka haguma nʼemilondo yetu kwehĩ?

¹² Ũtũwatĩkaye erilwa nʼesyonzĩgũ syetu, Kusangwa erĩwatĩkya lyʼabandu ni buyira!

¹³ Haguma na Nyamuhanga, twasyakĩnda; Iye asyasĩnga esyonzĩgũ syetu.