Eribisurirwa 16 - AMASAKO ABOYTRTRE WA NYAMUHANGA AWAKAHULAWA MO BIBLIA

Ebibindi byʼerihitana lya Nyamuhanga

¹ Kandi monowa omulenge munene owakalũa omo Hekalũ, owakabwira abamalaĩka balinda ati, Mugende, mũtũlĩre ebibindi birinda byʼerihitana lya Nyamuhanga byʼomo kihugo.

² Neryo omũlaĩka wʼerĩmbere mwayũtũlĩra ekibindi kiwe omo kihugo. Neryo ebironda bibi, ebĩkalĩre, mobyahulukira oko bandu ababya kʼolusako lwʼenyama eyo, kandi ukwʼabo abaramaya esanamu eyo.

³ Neryo omũlaĩka wʼakabiri mũtũlĩra ekibindi kiwe kyʼomo ngetsi. Amagetsi wayo mwayahinduka ngʼomusasi wʼomundu ũholĩre, nʼobuli nyama eyabyaho omo ngetsi moyahola.

⁴ Neryo omũlaĩka wʼakasatu mũtũlĩra ekibindi kiwe omo syonyũsĩ nʼomo sĩsoko syʼamagetsi, nasyo mosyahinduka mo musasi.

⁵ Neryo monowa omũlaĩka oyũkategaya amagetsi akabũga ati, Uwe Oyũbũyĩrĩre, uwe Utunganene, oyuliho nʼoyutula, kusangwa wabiritswera emyatsi eyĩ!

⁶ Kusangwa mobũta omusasi wʼabandu ba Nyamuhanga nʼowʼabamĩnyererĩ, nawe wabirihabo erĩpũlya omusasi. Nabo batolereryo.

⁷ Neryo monowa ekiherero kĩkabũga kiti, Ega, Uwe Mukama Nyamuhanga, Omũtokĩ Wʼebyosĩ! Eritswera lyawe ni ryʼekwenene, kandi litunganene!

⁸ Nʼomũlaĩka wʼakani mũtũlĩra ekibindi kiwe oko lyuba, nalyo molyahabwa ehamũlĩ yʼerĩhĩsya abandu omo muliro.

⁹ Neryo abandu mobahĩsĩbwa omo bukangira bũkalĩre, neryo mobatsuma erĩna lya Nyamuhanga oyuwite ehamũlĩ oko malĩge aya. Nĩkwa abandu mobatabindula emitima yabo erireka ebibi, nʼeriha Nyamuhanga olukengerwa.

¹⁰ Nʼomũlaĩka wʼakatanu mũtũlĩra ekibindi kiwe oko kĩtũmbĩ kyʼobwami kyʼenyama eyo. Nĩkwa omwĩrĩmya mwabya omo bwami bwʼenyama eyo, nʼabandu mobatakũnya esyondimi syabo busana nʼamagalĩ.

¹¹ Kandi mobatsuma Nyamuhanga wʼelubula busana nʼamagalĩ wabo nʼebironda byabo. Nĩkwa mobatabindula emitima yabo erireka emĩbĩrĩ mibi yabo.

¹² Nʼomũlaĩka wʼendatu mũtũlĩra ekibindi kiwe oko lũsĩ lunene, lwʼeEfũratĩ. Kandi amagetsi walo muma, enzira ĩkokotĩbawe busana nʼabami bakalũa eyo eryuba likahuluka.

¹³ Neryo monalangira emĩrĩmũ ĩsatu ngʼebikere bisatu ebĩtũnda-tũndĩre bĩkalũa omo buno bwʼekiyoka, nʼomo buno bwʼenyama eyo, nʼomo buno bwʼomũmĩnyererĩ wʼamabehĩ.

¹⁴ Ebikere ebĩ, nĩ bĩrĩmũ byʼesyombĩnga ebikakola ebitiko-tiko. Ebĩrĩmũ bisatu ebĩ bikaya oko bami bʼekihugo kyosĩ, erĩhĩndanĩabo omo malwa wʼekiro kinene kya Nyamuhanga Omũtokĩ Wʼebyosĩ.

¹⁵ Mũlebaye! Ngasa ngʼomũrahĩ. Obutseme buli oko mundu oyuteyato, nʼoyũkategaya esyongimba siwe, akasyalendera ndũmbũ nʼerihemuka embere syʼabandu.

¹⁶ Neryo mobahĩndanĩa abami haguma ahakahulawa omo Kiebrania mo Harmagedonĩ.

¹⁷ Nʼomũlaĩka wʼakalinda mũtũlĩra ekibindi kiwe kyʼomo kyanya, neryo omulenge munene mwalũa oko kĩtũmbĩ kyʼobwami omo Hekalũ ati, Kyamakoleka!

¹⁸ Neryo mohabya erĩpalya lyʼakarabyo, nʼemirenge, nʼemĩlũmo, kandi mohabya omũsĩkĩ owakalĩre kutsibu. Nĩkwa okwʼĩtsũka erihangikwa lyʼabandu, sihehatabya omũsĩkĩ munene nʼowʼamaka ngʼoyũ.

¹⁹ Kandi omũyĩ mukulu mwatulwa mo bihande bisatu, nʼemĩyĩ yʼebihanda moyatera. Kandi Nyamuhanga mwibuka Babelĩ mukulu, neryo mwamũpũlĩsya ebĩnyũ omo lũtehĩ luwe, ebĩnyũ byʼerihitana liwe erĩkalĩre.

²⁰ Nʼobuli kitsira mokyatibita erya, nʼebitwa mobitaswabanika.

²¹ Kandi amatwa manene-manene, obuli ritsuku liguma lyabya lyʼekĩlo makũmĩ ani nʼebitanu, nago mwatogongera abandu akalũa omo kyanya. Kandi abandu mobatsuma Nyamuhanga busana nʼobũlĩge bwʼamatsuku ayo, kusangwa obũlĩge obo bwabya bũkalĩre kutsibu.