Enzũko 5 - AMASAKO ABOYTRTRE WA NYAMUHANGA AWAKAHULAWA MO BIBLIA

Esyondengo sya Adamu

¹ Ekĩ kye kitabu kyʼesyondengo sya Adamu. Oko kiro Nyamuhanga ahangika omundu, mwamuyira omo kĩsosekanĩo kya Nyamuhanga.

² Kandi mwahangikabo, omulume nʼomũkalĩ, neryo mwatsumulabo, mwaluka amena wabo mo bandu ekiro bahangikawa.

³ Neryo Adamu abere abuga emyaka erĩgana nʼamakũmĩ asatu, mwabuta omugala oyũmũsosĩre, omo kĩsosekanĩo kiwe, mwahula erĩna liwe mo Setĩ.

⁴ Ebiro bya Adamu enyũma wʼeributa Setĩ byabya myaka magana munani, neryo mwabuta abandi bagala nʼabali.

⁵ Nʼebiro byosĩ Adamu abyaho byabya emyaka magana mwenda nʼamakũmĩ asatu, neryo mwahola.

⁶ Neryo Setĩ mwabyaho emyaka erĩgana nʼeyĩtanu, neryo mwabuta Enosĩ.

⁷ Neryo Setĩ abere abibuta Enosĩ mwabyaho emyaka magana munani nʼirinda, mwabuta abandi bagala nʼabali.

⁸ Ebiro byosĩ bya Setĩ byabya myaka magana mwenda nʼerĩkũmĩ nʼeyĩbĩrĩ, neryo mwahola.

⁹ Neryo Enosĩ mwabyaho emyaka ma­kũmĩ mwenda, neryo mwabuta Kenanĩ.

¹⁰ Neryo Enosĩ mwabyaho enyũma wʼeributa Kenanĩ emyaka magana munani nʼerĩkũmĩ nʼeyĩtanu, neryo mwabuta abandi bagala nʼabali.

¹¹ Nʼebiro byosĩ bya Enosĩ mobyabya emyaka magana mwenda nʼeyĩtanu, neryo mwahola.

¹² Neryo Kenanĩ mwabyaho emyaka makũmĩ alinda, neryo mwabuta Mahalalĩ.

¹³ Neryo Kenanĩ mwabyaho enyũma wʼeributa Mahalalĩ emyaka magana munani nʼamakũmĩ ani, neryo mwabuta abandi bagala nʼabali.

¹⁴ Ebiro byosĩ bya Kenanĩ byabya emyaka magana mwenda nʼerĩkũmĩ, neryo mwahola.

¹⁵ Neryo Mahalalĩ mwabyaho emyaka makũmĩ ndatu nʼĩtanu, neryo mwabuta Yaredĩ.

¹⁶ Neryo Mahalalĩ mwabyaho enyũma wʼeributa Yaredĩ emyaka magana munani nʼamakũmĩ asatu, mwabuta abandi bagala nʼabali.

¹⁷ Ebiro byosĩ bya Mahalalĩ byabya emyaka magana munani nʼamakũmĩ mwenda nʼĩtanu, neryo mwahola,

¹⁸ Neryo Yaredĩ mwabyaho emyaka erĩgana nʼamakũmĩ ndatu nʼĩbĩrĩ, neryo mwabuta Enoka.

¹⁹ Neryo Yaredĩ mwabyaho enyũma wʼeributa Enoka emyaka magana munani, mwabuta abagala nʼabali.

²⁰ Ebiro byosĩ bya Yaredĩ byabya emyaka magana mwenda nʼamakũmĩ ndatu nʼĩbĩrĩ, neryo mwahola.

²¹ Neryo Enoka mwabyaho emyaka makũmĩ ndatu nʼĩtanu, neryo mwabuta Metũsela.

²² Neryo Enoka mwalendera haguma na Nyamuhanga enyũma wʼeributa Metũsela emyaka magana asatu, neryo mwabuta abagala nʼabali.

²³ Neryo ebiro byosĩ bya Enoka byabya emyaka magana asatu nʼamakũmĩ ndatu nʼĩtanu.

²⁴ Neryo Enoka mwabya akalendera haguma na Nyamuhanga, neryo mwataswabya eno, kusangwa Nyamuhanga mwamutwala.

²⁵ Neryo Metũsela mwabyaho emyaka erĩgana nʼamakũmĩ munani nʼeyirinda, neryo mwabuta Lameke.

²⁶ Neryo Metũsela mwabyaho enyũma wʼeributa Lameke emyaka magana alinda nʼamakũmĩ munani nʼĩbĩrĩ, neryo mwabuta bagala nʼabali.

²⁷ Ebiro byosĩ bya Metũsela mobyabya emyaka magana mwenda nʼamakũmĩ ndatu nʼomwenda, neryo mwahola.

²⁸ Neryo Lameke mwabyaho emyaka erĩgana nʼamakũmĩ munani nʼeyĩbĩrĩ, neryo mwabuta mugala,

²⁹ neryo mwaluka erĩna liwe mo Noa, ati, Oyũ yukandisyatũkĩranĩa omo mũbĩrĩ wetu nʼerinuba lyʼebyala byetu, busana nʼekitaka ekyo Nyamuhanga atsuma.

³⁰ Neryo Lameke mwabyaho enyũma wʼeributa Noa emyaka magana atanu nʼamakũmĩ mwenda nʼĩtanu, mwabuta abandi bagala nʼabali.

³¹ Ebiro byosĩ bya Lameke byabya emyaka magana alinda nʼamakũmĩ alinda nʼeyirinda, neryo mwahola.

³² Neryo Noa abya wʼemyaka magana atanu, neryo Noa mwabuta Semũ, na Hamũ, na Yafetĩ.