Enzũko 2 - AMASAKO ABOYTRTRE WA NYAMUHANGA AWAKAHULAWA MO BIBLIA

Ekiro kyʼeriluhuka

¹ Olubula nʼekihugo mobyahwa, nʼebyosĩ ebirimo.

² Oko kiro kyʼebirinda Nyamuhanga mwabuga omũbĩrĩ wuwe gosĩ ogo akola, neryo mwaluhuka ekiro kyʼebirinda oko mũbĩrĩ wuwe gosĩ akola.

³ Neryo Nyamuhanga mwatsumula ekiro kyʼebirinda, mwayirakyo mo kĩbũyĩrĩre; kusangwa mwaluhuka mukyo oko mĩbĩrĩ yiwe yosĩ eyo abya abirihangika nʼerikola.

⁴ Esĩ ni ndengo syʼolubula nʼekihugo omugulu byahangikawa. Ekiro Omwami Mukulu Nyamuhanga ahangika ekihugo nʼolubula.

⁵ Neryo isihali mwaka wʼomwʼirima omo kihugo, nʼebiti byʼomolĩ isibiri byalasa. Kusangwa Omwami Mukulu Nyamuhanga isiali awĩsya embũla oko kitaka. Isihali mundu oyo wangalima ekitaka.

⁶ Nĩkwa ekĩlũmbĩ mokyahetuka kĩkalũa oko kitaka erĩhĩra amagetsi oko bugali bosĩ bwʼekitaka.

⁷ Neryo Omwami Mukulu Nyamuhanga mwabumba omundu omo lũtũtũ lwʼekitaka, neryo mwabuhira omo nĩndo yiwe mʼomuka wʼengebe. Omundu oyo mwabya omundu oyuliho.

⁸ Nĩkwa Omwami Mukulu Nyamuhanga mwahera eririma oko luhande lwʼendata omo Edenĩ. Neryo mwahĩramo omundu oyo abumba.

⁹ Neryo Omwami Mukulu Nyamuhanga mwalasya oko kitaka obuli muti owakowana omo meso, nʼogowene oko kalyo. Kandi mwalasya omuti wʼengebe omo katĩkatĩ kʼeririma, nʼomuti wʼeriminya ekibuya nʼekibi.

¹⁰ Neryo olũsĩ molwalũa eEdenĩ erĩheherya eririma. Enyũma wʼaho mo­lwagabana eribya mitahi ĩnĩ yʼolũsĩ.

¹¹ Erĩna lyʼolumbere nĩ Pĩhonĩ. Lũkatĩmba oko kihugo kyosĩ kyʼeHavĩla, ahali esyamagetsi.

¹² Esyamagetsi syʼekihugo ekyo ni mbuya. Hali nʼebedola nʼevĩto byʼeonĩkĩ.

¹³ Erĩna lyʼolũsĩ lwʼakabiri nĩ Gĩhonĩ. Olũ lũkatĩmba oko kihugo kyosĩ kyʼeKũsĩ.

¹⁴ Nʼerĩna lyʼolũsĩ lwʼakasatu nĩ Hĩdekelĩ. Olo lukalaba endata wʼeAsũrĩa. Olũsĩ lwʼakani nĩ Efũratĩ.

¹⁵ Neryo Omwami Mukulu Nyamuhanga mwĩmya omundu oyo, mwamũhĩra omwʼirima lyʼeEdenĩ alimeryo, ategayeryo.

¹⁶ Neryo Omwami Mukulu Nyamuhanga mwahana omundu oyo ati, Oko bĩgũma byosĩ byʼobuli muti omwʼirima wanganalya kubyo.

¹⁷ Nĩkwa oko bĩgũma byʼomuti wʼeriminya ekibuya nʼekibi, susyerya kubyo. Kusangwa oko kiro wasyalya kubyo wasyahola kũndũ.

Erihangikwa lya Eva

¹⁸ Neryo Omwami Mukulu Nyamuhanga mwabũga ati, Sĩryowene omundu eribya ĩyowene; ngandimukolera omũwatĩka oyumutolere.

¹⁹ Neryo Omwami Mukulu Nyamuhanga mwabumba omo mutaka obuli nyama yʼomolĩ, nʼobuli nyonyũ syʼomo kyanya. Mwaletasyo oko mundu oyo ngʼakandiahulasyo omo mena wahi. Neryo obuli kindu kyahangi­kawa ekiriho, erĩna eryo alukakyo molyabya lĩna lyakyo.

²⁰ Omundu oyo mwaluka amena oko syonyama syosĩ syʼeka, nʼoko syonyonyũ syʼomo kyanya nʼoko buli nyama yʼomolĩ. Nĩkwa busana na Adamu mohatabanika omũwatĩkya oyumutolere.

²¹ Neryo Omwami Mukulu Nyamuhanga mwayĩsya omundu oyo otũgotserĩ tunene, naye mwagotsera. Neryo mwĩmya olukanga luwe luguma, nĩkwa mwaswalĩba omũnyokũ goho.

²² Olukanga olo alũsaya oko mundu oyo mwabumba mulo mʼomũkalĩ, mwamutwalira omundu oyo.

²³ Omundu oyo mwabũga ati, Erĩ nĩ ʼkũha lyʼamakũha wage, nʼomũnyokũ wʼomũnyokũ wage: asyahulwa mo Mũkalĩ, kusangwa alũsĩbawa omo Mulume.

²⁴ Busana nʼekyo, omundu asyasĩganĩa ĩse wuwe na nyĩnya, asyalanda oko mũkalĩ wuwe neryo basyabya muguma.

²⁵ Neryo omundu oyo nʼomũkalĩwe babya ndũmbũ, nʼaho isihali ĩsonĩ.