Enzũko 10 - AMASAKO ABOYTRTRE WA NYAMUHANGA AWAKAHULAWA MO BIBLIA

Esyondengo sya Noa

¹ Neryo esyondengo syʼabagala ba Noa syesĩ, esya Semũ, Hamũ, na Yafetĩ, neryo mobabuta abagala enyũma wʼerigunga lyʼamagetsi.

² Abagala ba Yafetĩ nĩ Gomerĩ, Magogĩ, Madaĩ, Yawanĩ, Tũbalĩ, Masekĩ, na Tĩrasĩ.

³ Abagala ba Gomerĩ nĩ Askenazĩ, Rĩfatĩ, na Togama.

⁴ Abagala ba Yawanĩ babya Elĩsa, Tarsĩsĩ, Kĩtĩmũ, na Dodanĩmũ.

⁵ Ukwʼaba ebitsira byʼebihanda mobyagabirwa omo bihugo byabo, obuli muguma ngʼomũbũge wuwe, ngʼebĩtũnga byabo, omo bihanda byabo.

⁶ Neryo abagala ba Hamũ nĩ Kũsĩ, Mĩsraĩmũ, Pũtĩ, na Kanana.

⁷ Abagala ba Kũsĩ ni Seba, Havĩla, Sabũta, Raama, na Sabũteka. Abagala ba Raama ni Seba, na Dedanĩ.

⁸ Neryo Kũsĩ mwabuta Nĩmũrodĩ. Naye mwatsũka eribya mundu wʼamaka omo kihugo.

⁹ Kandi abya muhiyi wʼamaka embere syʼOmwami Mukulu kikaleka ĩkyabũgwa ambu, Nga Nĩmũrodĩ omuhiyi wʼamaka embere syʼOmwami Mukulu.

¹⁰ Erĩtsũka lyʼobwami buwe lyabya eBabelĩ na Erekũ, na Akadĩ, na Kalne, omo kihugo kyʼeSĩnarĩ.

¹¹ Neryo mwalũa omo kihugo ekyo mwaya eAsũrĩa, neryo mwahĩmba eNĩnawĩ, Rehobotĩrĩ, Kala,

¹² Resenĩ, omo katĩkatĩ kʼeNĩnawĩ nʼeKala, go mũyĩ munene-nene.

¹³ Neryo Mĩsĩraĩmũ mwabuta Lũdĩmũ, Anamĩmũ, Lehabĩmũ, Nafũtũhĩmũ,

¹⁴ Patĩrũsĩmũ, Kasĩlũhĩmũ (eyo Bafĩlĩstĩnĩ balũa) na Kafũtorĩmũ.

¹⁵ Neryo Kanana mwabuta Sĩdonĩ, akambere kuwe, na Hetĩ,

¹⁶ nʼOmũyebũsĩ, nʼOmũamorĩ, nʼOmũgĩrgasĩ,

¹⁷ nʼOmũhĩvĩ, nʼOmũarkĩ, nʼOmũsĩnĩ;

¹⁸ nʼOmũarwadĩ, nʼOmũzemarĩ, nʼOmũhamatĩ. Enyũma wʼaho ebĩtũnga byʼOmukanana mobyapanza-panzirwa ehosĩ.

¹⁹ Omutano wʼOmunya Kanana abya atsũkĩre eSĩdonĩ erilola eGerarĩ erĩhĩka, eGaza, erilola eSodomo nʼeGomora, nʼeAdama, nʼeSeboĩmũ, erĩhĩka eLasa.

²⁰ Aba ni bagala ba Hamũ oko bĩtũnga byabo, nʼoko mĩbũge yabo, omo bihugo byabo, nʼomo bihanda byabo.

²¹ Neryo Semũ oyũ abya ĩse wʼabana bosĩ ba Eberĩ, nʼakandi iyo mukulu wa Yafetĩ, mwabuta bana.

²² Abagala ba Semũ nĩ Elamũ, na Asũrũ, na Arfakasadĩ, na Lũdĩ, na Aramũ.

²³ Abagala ba Aramũ nĩ Ũsĩ, na Hũlĩ, na Geterĩ, na Masĩ.

²⁴ Neryo Arfakasadĩ mwabuta Sela, neryo Sela mwabuta Eberĩ.

²⁵ Neryo Eberĩ mwabuta abagala babiri, erĩna lyʼomuguma nĩ Pelegĩ, kusangwa omo biro biwe ekihugo mokyagabana, nʼerĩna lyʼomugala wabo lyabya Yokĩtanĩ.

²⁶ Neryo Yokĩtanĩ mwabuta Almodadĩ, na Selefũ, na Hazaramawetĩ, na Yera,

²⁷ na Hadoramũ, na Ũzalĩ, na Dĩkela,

²⁸ na Obalĩ, na Abĩmaelĩ, na Seba,

²⁹ na Ofĩrĩ, na Havĩla, na Yobabĩ. Abosĩ aba babya bagala ba Yokĩtanĩ.

³⁰ Erĩĩkala lyabo lyabya lĩtsũkĩre eMesa, omugulu ukagenda erilola eSefarĩ, ekitwa kyʼeyo eryuba likahuluka.

³¹ Abagala ba Semũ bʼabʼoko bĩtũnga byabo, nʼoko mĩbũge yabo, omo bihugo byabo, nʼoko bihanda byabo.

³² Ebĩ nĩ bĩtũnga byʼabagala ba Noa, ngʼesyondengo syabo, omo bihanda byabo, Nĩkwa ebihanda mobyagabirwa omo kihugo enyũma wʼerigunga.