Emĩsyo 6 - AMASAKO ABOYTRTRE WA NYAMUHANGA AWAKAHULAWA MO BIBLIA

Amahano mĩsĩndo-mĩsĩndo

¹ Mugala wage, wamabya wabiribya muwato busana nʼomũlĩkyenyũ, Wamabya wabiriyisiga busana nʼowʼehandi;

² Wabiritewa omo bĩnywa byʼobuno bwawe, Wabirihambwa omo bĩnywa byʼobuno bwawe.

³ Mugala wage, Ukole ekĩ, ũyĩlamaye, Kusangwa wabĩrĩhĩka omo byala byʼomũlĩkyenyũ, Ugende, uyolobeke, ugonga-gonge mũlĩkyenyũ;

⁴ Suhe ameso wawe gʼotũgotserĩ, Kutse esyongohe syawe eriyitsingirako;

⁵ Ũyĩlamaye ngʼeyĩsũkũ erĩlũa omo byala byʼomuhiyi, Ngʼenyonyũ erĩlũa omo byala byʼomũteyĩ.

⁶ Uwe mugata uye eyiri enyumu; Ũganĩraye esyonzira syayo, ubye wʼamenge.

⁷ Eyitawite mwami, Omũlangĩrĩ, kutse mũtabalĩ,

⁸ Ikayibikira akalyo oko mugulu wʼomwisi, Nʼerikuma-kuma akalyo kayo omugulu wʼerigesa.

⁹ Uwe mugata, ukagotsera erĩkolyahi kwehĩ? Wasyabuka omo tũgotserĩ twawe mo mugulu wahi kwehĩ?

¹⁰ Hakĩsĩya otũgotserĩ tuke, eriyitsingirako lĩke, Erĩkũmba like lyʼebyala okwʼigotsera.

¹¹ Obwera bwawe bwasyakũhĩkĩra ngʼomũrahĩ, Nʼobubula bwawe ngʼomundu oyuli kwʼengabo.

¹² Omundu oyutawite ndũndĩ, omundu wʼebibi, Yo yukalendera nʼobuno bũhengemĩre;

¹³ Yo yũkakohaya ameso wuwe, akabũga omo bisando biwe, Yo yũkakoheraya omo minwe yiwe;

¹⁴ Omo mutima wuwe muli obuhengeme, Akayĩsũnza ebibi, Akapanzalĩkanaya amalwa.

¹⁵ Neryo erĩkwa liwe lyasyahĩka neryoneryo; Asyabũnangwa neryo-neryo, hate erilama.

¹⁶ Hali emyatsi ndatu eyo Mwami Mukulu akakwa obusu; Ega, hali irinda eyikabya nye oko mutima wuwe.

¹⁷ Ameso awakayipipa, olulimi lwʼeribiha, Nʼebyala ebĩkũta omusasi owate ko lubanza;

¹⁸ Omutima owakayĩtegekaya eriyikandayirira libi, Ebisando ebyangũhĩre oko bibi,

¹⁹ Omũlangĩrĩ wʼamabehĩ oyũkabũga amabehĩ, Nʼoyũkapanzalĩkanaya amalwa omo katĩkatĩ kʼabagala babo.

²⁰ Mugala wage, ũtegaye eritegeka lya tata wawe, Kandi sũsĩganaye erihana lya koyo wawe.

²¹ Uboherebyo oko mutima wawe emigulu yosĩ; Usengerebyo oko bĩkya byawe.

²² Omugulu ukalendera lyasyakusondola; Omugulu ukagotsera lyasyakũteya; Nʼomugulu ukabuka lyasyakanĩa nawe.

²³ Kusangwa eritegeka ni tala; nʼebihano ni kyakakala; Nʼerikunga lyʼerĩkangĩrĩrya ni nzira yʼengebe.

²⁴ Erĩkũkakĩrya oko mũkalĩ mubi, Nʼoko bũtendererya bwʼolulimi lʼowʼehandi.

²⁵ Sũkwe engumbu yʼamalya-bindu wuwe omo mutima wawe; Kutse Suleke akakuboha omo ngohe syʼameso wuwe.

²⁶ Kusangwa busana nʼomũsĩngĩrĩ, omundu akaletawa oko kitole kyʼobundu, Nʼomũtetĩ akahiga engebe yʼobũgũlĩ bunene.

²⁷ Omundu anganahĩra omuliro oko kĩkũba kiwe, Nʼesyongimba siwe isitahya kwehĩ?

²⁸ Kutse omundu anganatoka erigendera oko makala wʼomuliro, Nʼebisando biwe ibitabya kwehĩ?

²⁹ Kwʼali atya oyukingira oko mũkalĩ wa mũlĩkyabo; Nʼoyũkamũtũlako siendisyabula erisuyirwa.

³⁰ Abandu sibalipona omũrahĩ, amĩba Erĩyũgũtya omugulu akwĩre enzala.

³¹ Nĩkwa amabanika, asyasũbũlyabyo ngendo sirinda; Asyaha obũsokĩ bosĩ bwʼenyũmba yiwe.

³² Oyukateta omũkalĩ siawite mutima, Oyukakolakyo anzĩre erĩherya ekĩrĩmũ kiwe.

³³ Asyabana ebironda nʼesĩsonĩ; Nʼerĩhalya liwe siryendĩsyalĩmĩbwa.

³⁴ Kusangwa obũha ni ʼhitikirana lyʼomundu; Ĩsĩendĩsyabalya oko kiro kyʼerĩkĩsya

³⁵ Siendisyasamalira endongolya; Kutse siendisyabana obuluhuke, nomo wangamuha ekyũtũlĩro kinene.