Emĩsyo 22 - AMASAKO ABOYTRTRE WA NYAMUHANGA AWAKAHULAWA MO BIBLIA

Erĩna lyowene likabanika liti?

¹ Lyowene eriyisoga erĩna lyowene kwilaba ebindu bingi, Nʼerĩsĩmwa ndeke kwilaba ebĩtsĩpa nʼesyamagetsi.

² Omuteke nʼomwera bakahĩndana haguma; Omwami Mukulu nĩ mũhangĩkĩ wʼabosĩ babiri.

³ Omundu mũgerekanĩa amalangira ebibi akayĩbĩsa; Nĩkwa abakĩrũ bakatwangana ibahutala busana nabyo.

⁴ Oluhembo lwʼoyũkayĩkehaya nʼeriubaha lyʼOmwami Mukulu Ni bindu, nʼerĩsĩkya, nʼengebe.

⁵ Emisakisaki nʼebitego biri omo nzira yʼabahengemĩre; Oyũkategaya ekĩrĩmũ kiwe asyabya hali kubo.

⁶ Ũkangĩrĩraye omwana omo nzira eyimutolere erilabamo, Neryo omugulu asyabya mukulu sĩendĩsyalũa muyo.

⁷ Oyũkamahĩre akatabala oko mwera; Nʼomũyĩbwekĩ ni mugombe wʼoyukamubweka.

⁸ Oyukabiba ebibi asyagesa erĩkwa; Nʼomwĩgo lye rihitana liwe lyasyũmbya.

⁹ Oyuwite erĩso lyʼobwenge asyatsumulwa; Kusangwa akaha oko kalyo kuwe oko bera.

¹⁰ Muguse omũsekĩ yʼeyĩhya, nʼerinegena lyasyagenda; Ega, amalwa nʼesĩsonĩ byasyũmbya.

¹¹ Oyukanza eriera lyʼomutima Busana nʼobubuya bwʼemĩnywa yiwe, omwami asyabya mwĩra wuwe.

¹² Ameso wʼOmwami Mukulu akategayaoyuwite amenge; Nĩkwa akagusa ebĩnywa byʼomundu oyukateba.

¹³ Omugata akabũga ati, Eyĩhya hali endale; Nasyakwĩra omo nzira.

¹⁴ Obuno bwʼomũkalĩ wʼehandi ni buhya buli; Oyũkakwĩbawa esyonye nʼOmwami Mukulu, asyatogera mubo.

¹⁵ Obũkĩrũ bubohere omo mutima wʼomwana; Nĩkwa Omwĩgo wʼerihabula akahigira bo hali kwiye.

¹⁶ Oyũkanũbaya abera busana nʼeritome kera endũndĩ yiwe, Nʼoyukaha oko yũkamahĩre, asyabulabyo.

¹⁷ Utege okũtũ kwawe, uhulikirire ebĩnywa byʼabʼamenge Kandi ũhĩre omutima wawe okwʼiminya lyage.

¹⁸ Kusangwa ni kindu kĩkatsemesaya wamabikakyo omwisi syawe, Byamahanganĩbwa omo mĩnywa yawe.

¹⁹ Erĩkĩrĩrya lyawe litoke eribya omo Mwami Mukulu, Nabĩrĩkũmĩnyĩsyabyo mũnabwĩre, ega, ukʼuwe.

²⁰ Sinabirikusakira emyatsi yowene kutsibu, Eyʼebihano nʼeriminya.

²¹ Erĩkũmĩnyĩsya ekwenene yʼebĩnywa byʼekwenene Iwatoka erĩsũbũlya ebĩnywa byʼekwenene ukwʼabo bakutuma.

²² Sũhũnge ebyʼomwera, kusangwa ni mwera; Kutse sũnũbaye abakagalawa oko lũkyo.

²³ Kusangwa Omwami Mukulu asyabũgirabo omwatsi wabo, Nʼerinyega engebe yʼabanyegabo.

²⁴ Susakane nʼomundu oyukahitana lũba; Kandi Sugende haguma nʼomundu oyukagalirawa.

²⁵ Ukasyiga emibere yiwe, Nʼeritega ekĩrĩmũ kyawe.

²⁶ Subye muguma gʼoko bakakangatira ebyala, Kutse ukwʼabo bakabya omuwato busana nʼemĩnda.

²⁷ Wamabya isuwite ebyʼeririha, Busana nakĩ angaheka engyingo yawe ahĩkwa kuwe.

²⁸ Sũsegeraye ekiminyikalo kyʼemitano ya kera, Eyo abotata wawe bahanda.

²⁹ Wamalangira omundu wʼomũhwa omo mũbĩrĩ wuwe kwehĩ? Yo wasyahangana embere syʼabami; Siendisyahangana embere syʼabandu batya-batya.